"لأ ما بدي فل"... تاتيانا مرعب: أصلا مين قال إنو برّا أحلى؟

في ظل الظروف الصعبة والأحداث الخطيرة في لبنان، نشرت الممثلة اللبنانية تاتيانا مرعب رسالة عبر خاصية الستوري على منصة انستغرام للتعبير عن حبّها الكبير لوطنها.

وجاء في رسالة تاتيانا مرعب: 'لأ ما بدي فل، أصلا مين قال إنو برّا أحلى؟ يمكن بربح كتير أمور برّا بس بتعرفو قدي بخسر؟ بخسر انتمائي لمطرح بيشبهني، بخسر وجود أهلي وإخواتي حدي بثواني لما عوزن، بخسر حضن تيتا وجدو وغنّجن عالرايح والجاي، بخسر جمعات عائلية كل نهار أحد'.

وأضافت تاتيانا مرعب: 'بخسر صبحيات وقعدات عفوية مع جيراني وأصحابي، بخسر ريحة أرض ما وقفت تعطي، بخسر نهار بالجبل نهار عالبحر، بخسر جو حب ما إلو مثيل، بخسر إشيا ما بعرف أوصفها، أنا من يلي قادرين يفلو، أنا من يلي برموا العالم وما شافوا متل هالبلد مع كل خبارو، أنا من يلّي بدّن ولادن يكبروا هون بين ناسن وبأرضهن'.

وختمت تاتيانا مرعب رسالتها بالقول: 'يمكن إذا فليت بربح كتير بس يلي بخسرو أكتر بكتير، لأنو أنا من يلي مآمنين إنو في أمل وإنو رح نرجع أقوى من قبل وإنو بكرا أكيد أحلى'.