كتب مدير الإعلام في الحزب الديمقراطي اللبناني جاد حيدر عبر حسابه على مواقع التواصل الاجتماعي:

٢٥ سنة مش رقم عادي بالحياة السياسية اللبنانية.٢٥ سنة مرق فيهن أحداث ومواقف ومتغيّرات، وأكتر من حكم، وأكتر من حرب وانتفاضة، وطلعات ونزلات…٢٥ سنة من مصالحة الجبل لليوم، انقطعت العلاقة بكل أشكالها بين طلال أرسلان وفارس سعيد…

اليوم كنت شاهد على عمق الحديث بين شخصيتين استثنائيتين…على عمق القيم بين بيتين سياسيين بلبنان…ما عرفوا إلا لبنان، وما حبّوا غيره، مع التشديد على الحفاظ على امتداده العربي والتاريخي…

بالمير طلال شهادتي مجروحة وما بقدر إحكي…أما الدكتور فارس… قامة فكرية وقيمة وطنية كبيرة… بتستمتع بتحليله الهادي الرصين، وبحديثه المتسلسل والمتّزن.

قدّاي شبعنا سطحية وسخافة وارتجالية بالمواقف، ونكد سياسي، واستعلاء، وغباء، وجنون عظمة، وفائض قوة، وسرقة، وفساد…الله يحمي هالبلد ويحمي الأوادم اللي فيه.