ريتا حايك: "رح ابقى بلبنان ورح موت بلبنان"

نشرت الممثلة اللبنانية ريتا حايك مقطع (فيديو) عبر حسابها على انستغرام عبرت من خلاله عن حبها لوطنها في ظل الظروف التي تعصف به حالياً جراء العدوان الإسرائيلي الذي يطال مناطق لبنانية مختلفة.

وقالت ريتا في المقطع: 'مرحبا انشاالله تكونوا مناح بعرف ما حدا منيح ما حدا مرتاح كلنا عم نحاول كل يوم إنو نكون مناح. أنا اسمي ريتا حايك ممثلة من لبنان أنا مسيحية ربيت كل حياتي تربية مسيحية ما عندي أرض بالجنوب ولا عندي بيت بالجنوب ولا تربيت على القضية الفلسطينية بس أنا حالياً عم عيش حرب على بلدي لبنان'.

وأضافت ريتا: 'أنا أم عندي ولد عمرو 6 سنين بكرا بس ابني يكبر ويسألني ماما شو عملتي بالـ 2024 لما اسرائيل كانت عم تقصفنا وترتكب مجازر بلبنان رح يكون جوابي ماما حكيت الحق وما سكتت عن الظلم وقفت حد خيي اللبناني لأنو بهالمرحلة كلنا منعرف إنو عدونا واحد وما طعنت خيي اللبناني بضهرو لأنو هو من غير ديني ومن غير طايفتي وقلت بعدين منتحاسب سياسياً، صليت للمجاهدين بالجنوب يلي عم بحاربوا دفاعاً عن بلدنا وأرضنا لأنو يا ماما أنا خلقت بلبنان وعشت بلبنان وربيتك بلبنان ورح ابقى بلبنان ورح موت بلبنان'.

وأرفقت ريتا المقطع بعبارة: 'نحنُ هنا ولِدنا هنا عِشنا و هنا نبقى و هنا نموت'.

View this post on Instagram