ليلى علوي تحيي ذكرى رحيل والدتها من داخل المقابر: وجع فراقها لسة زي ما هو

حرصت الفنانة ليلي علوي على إحياء ذكري رحيل والدتها من خلال استوري من حسابها على موقع فيس بوك وهي تزورها في المقار وكتبت : 'النهارده الذكرى الثامنة لأمي الله يرحمها ويعفو عنها، ويرحم ويعفو عن كل الأمهات والأموات جميعاً النهارده كأني عشت نفس اليوم اللي مرّ عليا في ٢٥/٨/٢٠١٧، يمكن الشهر كله العمر كله شايفاها وحسها كاني عايشه بضحك وببكي وبدعيلها وحشتني أوي ومفتقداها أوي، والوجع على فراقها لسه زي ما هو.

وأضافت : ' بس اللي بيهون عليا شوية إني مطمئنة عليها، لأنها كانت إنسانة راقية ومؤمنة بالله وبتعمل خير كتير، وتعبت جدًا جدًا في تربيتنا، كانت أم صالحة بمعنى الكلمة، وشالت كتير وربّتنا بما يرضي الله، أحسن تربية في الأخلاق والمبادئ والدين ، اتعلمت القرآن علشان تعلّمهولنا'.

ثم اختتمت : 'بيتهيألي إنها في مكان كويس جدًا.أرجو منكم تقرأوا لها الفاتحة وتدعوا لها، وتدعوا لكل الأمهات .. لأن الأم دي أسمى شيء في الوجود، وهي معنى الحياة الحقيقي، الله يرحمها ويعفو عنها وعنا جميعا'.