تصاعدت أزمة الإعلامية بسمة وهبة مع الفنانة اللبنانية مايا دياب بعد الخلاف الذي نشب بينهما عقب تدخل مايا للدفاع عن الفنانة دينا الشربيني في أزمة طلاق الفنان كريم محمود عبدالعزيز من زوجته آن الرفاعي.

وكلفت بسمة وهبة المستشارة هايدي الفضالي للتقدّم ببلاغ رسمي ضد مايا دياب، تطالب فيه بمنع الأخيرة من دخول مصر، في خطوة تصعيدية جاءت بعد انتشار فيديوهات وردود أفعال متبادلة على مواقع التواصل الاجتماعي.

وفي مقطع (فيديو) نشرته بسمة وهبة، هاجمت مايا دياب بحدة، مؤكدة أن الخلاف يتعلق بالمصريين فقط، وتسائلت عن سبب تدخل مايا في قضية لا تخصها، قائلة:

'بقولك إيه يا حلوة، ما تخرسي إنت، موضوع كده يخص المصريين مع بعض، إنت إيه اللي حشرك؟'. وأضافت: 'إنت مش من بلدنا، ما تطوليش لسانك علينا، احترمي نفسك بدل ما أهزّأك، والمرة الجاية يبقى الدور عليكي…'.

من جانبها، دافعت مايا دياب عن دينا الشربيني، مؤكدة أن الموضوع حساس ويستدعي الوقوف ضد استباحة كرامة الناس وأخلاقهم عبر مواقع التواصل، وقالت في فيديو لها:

'فيه أكونتات رخيصة بتتكلم بالطريقة دي عن دينا الشربيني، لأن احنا في زمن الرخص على السوشيال ميديا… أنا أول حاجة إنسانة عربية وفنانة وأخت لدينا الشربيني، واللي مزعّلني أكتر إن الإعلاميين بيتوجهوا لدينا بأسوأ الطرق، وبينقلوا الخبر من غير ما يتأكدوا من صحته.'

وأضافت: 'لو كل واحد خد الموضوع على أخته أو بنته مش هيقبل بيه، بس استباحة الناس لأنهم مشهورين تُرتكب في حقهم كل الغلط ده. دينا بنت ما في منها.'