إمارات رزق تشكر الرئيس بشار الأسد وتدعو له

توجهت الفنانة إمارات رزق بالشكر إلى الرئيس السوري بشار الأسد، كاشفة عن اهتمامه بشكواها المتعلقة بالمخالفات المنتشرة في مشروع دمر.

وأعربت النجمة السورية إمارات رزق عن امتنانها الكبير للرئيس بشار الأسد، لاهتمامه بمشكلتها الخاصة، والمتعلقة بهدم غرفة الحارس الأمني الملحق بمنزلها من قبل بلدية دمشق، بحجة مخالفتها لمعايير البناء وإشادتها على أملاك عامة.

حيث قالت في فيديو قصير عبر أحد حساباتها الرسمية الناشطة على وسائل التواصل الاجتماعي: 'طالما السيد الرئيس موجود بهيدي البلد ما في حق بروح لحدا'.

وأردفت: 'إن شاء الله تضل سورية وقائد سورية، صامدين وشامخين مثل جبل قاسيون، وشكراً كتير للاهتمام بمشكلتي وإن شاء الله دائماً بشوف سورية بالعلالي'.

وقبل أسبوع من الآن، خرجت نجمة الدراما السورية إمارات رزق في عدة فيديوهات قصيرة عبر حساباتها الرسمية الناشطة على وسائل التواصل الاجتماعي، اشتكت خلالها مظلوميتها بعد هدم غرفة الحارس الأمني الملحقة بمنزلها من قبل بلدية دمشق، بحجة المخالفة.

وأعربت عن استغرابها من حجة بلدية دمشق، قائلة: 'كل شي مخالفات عم تصير بالبلد بيلحقوا الفنانين ع شي بيعملوا ليحموا لحالهم.. ياريت اجتمعت الدولة وقت تعرضنا لمواقف إرهابية قدام بيتنا وإجوا حمونا... اما بيجو لحتى يهدوا مترين بمترين لحماية ولادنا وبيتنا بس لأنه في حدا قرر يجي يسكن جنبنا ما بعرف مين واسطته..'.

وأضافت: 'فعلاً وكأنه عم تقولوا انقلعوا برا البلد وبس نطلع منصير خونة وما عنا وطنية.. وبس بدو يتنفذ القانون يكون على الكل ما عنا مشكلة.. سيدي الرئيس ياريت تعرف قديش في مخالفات بمشروع دمر.. بآلاف الأمتار والمحافظة ولا كأنه شايفة.. نحن تحت سقف القانون لما بيكون القانون على الجميع.. مو لما بدهم بكونوا قانونيين ولما بدهم يغطوا على بعض.. بس يمكن عنجد ما عاد إلنا مكان بهل بلد'.

وكشفت الممثلة السورية آنذاك أسباب إشادتها لغرفة الحارس، مشيرة إلى تعرضها وأبنائها للخطر، قائلة: ' هيدي الغرفة أنا عملتا مترين بمترين منشان حط ناطور، لأن من فترة كان في إرهابي عم يراقبنا على مدار 26 يوم، وعملنا له كمين وقدرنا نلقطه ونسلمه للأمن، وهيدا موتور ابني وطن، تفجر بعبوة ناسفة'.

وتابعت: 'أول مرة بسمع أنه إجا أمر شفهي بالهدم وهاد أمر مو قانوني، والفكرة بس إنه اللي اشترى البناء اللي جنبي على العظم ((غير كامل التجهيزات)) انزعج من منظر الغرفة، بده الأرض لحتى يعمل غرفة كبيرة لرجاله'.

وعلى الصعيد المهني، ستتنافس الفنانة إمارات رزق في رمضان 2024، من خلال شخصية ((بديعة)) التي ستجسدها في مسلسل ((ولاد بديعة))، وهو من تأليف علي وجيه ويامن الحجلي ومن إخراج رشا شربتجي.

ويضم هذا العمل على قائمة أبطاله إلى جانب إمارات كوكبة من مشاهير الدراما السورية، أبرزهم: ' محمود نصر، سلافة معمار، سامر إسماعيل، يامن الحجلي، نادين تحسين بيك'.