الفروقات ليست مهمة اللوا السيد كلو تابع للخارج

' كتب النائب جميل السيّد، مساء أمس الأربعاء, في منشور على حسابه عبر منصّة إكس ‏: 'بالخلاصة اللبناني يشبه بعضه، إذا كان مسيحي او كان مسلم، ‏إذا لبس البدلة والكرافات أو لبس الكوفية والعقال، ‏إذا لبست البيكيني او لبست العباية، ذا تكلم فرنساوي وإنكليزي أو لم يتقن سوى العربية، إذا أكل سومون وبفتاك أو أكل غمّة وكراعين، ‏إذا شرب الويسكي والعرق او شرب الشاي والمتِّي والبابونج، ‏إذا وإذا وإذا'.

واضاف, '‏كل تلك الفروقات ليست مهمّة، ‏اللبناني يشبه بعضه، الطائفية هي الوطن الأول، كلّو بيلحق الطائفة عند الحشرة، ‏كلو بيمشي ورا الزعيم عند التحريض، ‏كلو تابع للخارج وبيحكي بالسيادة، ‏كلو شريك بالفساد وبيلعن الفساد، ‏كلو بيبكي على الدولة وبيدمّر الدولة'.

وختم السيد: '‏لم يبقَ من اللبناني الحقيقي إلا ذلك الذي في لبنان والمهجر، الراكض وراء رغيف الخبز والرغيف راكض قدّامو'.