وقفة احتجاجية في النبطية لأبناء القرى الحدودية تنديدًا باستمرار التهجير والمعاناة

#fixed-ad { position: fixed; bottom: 0; width: 100%; background-color: #ffffff; box-shadow: 0px -2px 5px rgba(0, 0, 0, 0.3); padding: 15px; text-align: center; z-index: 9999; right:0px; } #ad-container { position: relative; padding-top: 50px; /* ترك مساحة كافية لزر الإغلاق */ } #close-btn { position: absolute; top: -40px; right: 15px; background-color: #007bff; color: white; border: none; padding: 12px 16px; border-radius: 50%; font-size: 24px; cursor: pointer; box-shadow: 0px 4px 8px rgba(0, 0, 0, 0.3); transition: background-color 0.3s ease, transform 0.3s ease; } #close-btn:hover { background-color: #0056b3; transform: scale(1.1); } /* لجعل التصميم متجاوبًا */ @media (max-width: 768px) { #fixed-ad { padding: 10px; font-size: 14px; } #close-btn { top: -35px; padding: 10px 14px; font-size: 20px; } } @media (max-width: 480px) { #fixed-ad { padding: 8px; font-size: 12px; } #close-btn { top: -30px; padding: 10px; font-size: 18px; } }

×

نظم ' تجمع ابناء البلدات الجنوبية الحدودية' وقفة احتجاجية ، في ذكرى مرور سنتين على بدء الحرب والتهجير من بلداتهم ، وذلك امام مبنى سراي النبطية الحكومي تحت شعار 'سنتان على الحرب، سنتان على الوجع والمعاناة، سنتان وجرحنا ينزف وابناؤنا بستشهدون، وبيوتنا تُهدَم ، ممنوعون من العودة ، محرومون من التعويضات والإعمار، الى متى ..الى متى..' .

ورفع المحتجون لافتات كتب على بعضها ' ارضنا ليست للبيع' ، ' لا للمخططات المشبوهة' ، ' , ' سنتان ونحن نتجرع مرارة المعاناة' ، , ' سنتان ونحن نعيش بين الموت والموت ' ، و' الى متى استمرار الاعتداءات والتدمير والتهجير ، الى متى التقاعس عن دعم القرى الحدودية'.

وألقى منسق تجمع ابناء البلدات الجنوبية الحدودية المهندس طارق مزرعاني كلمة باسم المحتجين قال فيها '

سنتان صارلنا مهجرين، ومدمرة بيوتنا ومصالحنا، سنتان صارلنا منسيين، كأننا مش من هالوطن، ولا احد فكّر كيف عم ندفع ايجارات البيوت، كيف عم ناكل ونشرب، كيف عم نعلم اولادنا، وكيف عم نتعالج بالمستشفيات

وقال: بعض النازحين عم يتصلوا فينا بدهم حدا يعطيهن 10 $ ليأمنوا وجبة اكل لاولادهم، نحنا النازحين من القرى الحدودية ما في احصاء رسمي لعددنا، هذا الملف تسكّر من وقت وقف اطلاق النار، لا مساعدات ولا اهتمام من اي جهة رسمية وغير رسمية سوى ما تتكرم فيه بعض الجمعيات من معلبات خالصة مدتها ورز مسوس…

وقال: العودة صارت حلم، وعودة بعض الاهالي الى بعض القرى مش عودة حقيقية

يعني لما بيرجع اقل من خمسة بالمية من سكان ضيعة يعني يوجد خمسة وتسعين بالمية ما رجعوا

واذا رجع بعض الاهالي الى قرى فيها شوية بيوت

كيف بدن يرجعوا اهالي القرى المدمرة كلياً متل الضهيرة ويارين وكفركلا وعديسة

وحتى مركبا وحولا وبليدا اللي دمارهن فوق السبعين بالمية من البيوت

لحد الآن لم تُعلن الدولة إنّو المنطقة الحدودية منطقة منكوبة

ويتم التعامل مع الامر باستخفاف وكانه امر عادي ولا يستحقق الاهتمام

حتى الآن لم تقرر وزارة التربية اي حسومات للنازحين

ولا وزارة الصحة اعطت اي تقديمات خاصة بالنازحين

وكذلك حدّث عن كل ادارات الدولة

سوى ما أقرّته الدولة من بضع الاعفاءات الضريبية التي لا تشمل كل القطاعات والمعاملات والرسوم

العودة بتكون لمّا بتوقف الاعتداءات وبتنشال الانقاض

وبتندفع التعويضات وبتبدأ عملية إعادة الاعمار واصلاح البنى التحتية من مي وكهربا وطرقات ويُعاد بناء المباني والمؤسسات العامة من مدارس ومستشفيات ومستوصفات ومخافر ومراكز بلديات

العودة بتصير لمّا بيتعوّض على مزارعي التبغ والزيتون واصحاب معاصر الزيتون واصحاب المواشي والدواجن والنحل والمزارع والخيم الزراعية

بيتعوّض على اصحاب المؤسسات والمصالح الصغيرة والكبيرة ومحطات المحروقات والصيدليات واصحاب المهن الحرة من أطباء وصيادلة ومهندسين ومتعهدين ومعلمين وعمال بناء وغيرهم يللي صرلهن سنتين بلا عمل وبلا مصدر دخل

منين بدهن يعيشوا وكيف …

بدنا حقنا بتامين ايجارات البيوت وتامين بدل معيشة وطبابة مجانية وتعليم مجاني هذا ابسط حقوقنا الانسانية

نطالب الدولة بالافراج عن اموال المودعين

من سكّان القرى الحدودية اللي بينطبق عليهم ما ذكرناه اعلاه

ونطالبها بإنشاء صندوق دعم القرى الحدودية وبتمولو من الضرايب والهبات والميزانية

رح نضل مكفيين بتحركاتنا باتجاه جميع المعنيين حتى نحقق مطالبنا

كما ألقيت كلمات لعدد من المحتجين انتقدوا فيها الحكومة على سياسة ادارة الظهر لابناء المناطق الحدودية وتقاعسها عن مساعدتهم.