اخبار لبنان
موقع كل يوم -الهديل
نشر بتاريخ: ١٢ نيسان ٢٠٢٥
الرئيس عون: آن الأوان لنقول جميعاً لا يحمي لبنان إلا دولته وجيشه وقواه الأمنية الرسمية
كلمة رئيس الجمهوريه
آن الأوان نقول كلنا سوا:
ما بيحمينا إلا الدولة …
الدولة القوية السيدة العادلة الموجودة اليوم
الدولة المنبثقة من إرادة اللبنانيين … والجادّة لتحقيق خير وسلام وازدهار كل اللبنانيين …
طالما كلنا مُجمِعين على انّو ايّ سلاح خارج الدولة أو خارج قرار الدولة ممكن يعرّض مصلحة لبنان للخطر لأكثر من سبب
آن الأوان نقول كلنا: ما بيحمي لبنان إلا دولتو وجيشو والقوى الأمنية الرسمية …
آن الأوان نلتزم كلنا بمقتضيات هالموقف …
حتى يبقى لبنان … وحتى نكون تعلّمنا من خمسين سنة من حروبنا المجنونة …
وحتى نقول ليلّلي راحوا … ولكل اللي بعدن هون …
وحياة تضحياتكن … نحنا دفنّا الحرب للأبد …
وممنوع ومستحيل نرجع لها أو ترجع لنا …
ووحياة ولادكن والأجيال الجايي …
وحدتنا هيي سلاحنا … وسلاحنا هوي جيشنا …
حتى كل خمسينات السنين اللي جايي … تكون إيام خير وسلام وفرح وحياة …
لأنو نحنا خلقنا للحياة … والحياة خلقت إلنا …
عشتوا وعاش لبنان
