الصورة بعدا مش واضحة بالانتخابات البلدية ببيروت، فالتحالفات غير نهائية وسط نقاش واسع حول شكل القانون يلي رح يتم اعتمادو.

فمع انسحاب تيار المستقبل من المشهد السياسي، توزعت القوى السياسية والمدنية على أكثر من لائحة، وعدد من المرشحين بعد ما حسم امرو وبعدو عم بفاوض.

هالتعدد والاختلاف، بالإضافة لإمكانية التشطيب، أثاروا القلق على مصير المناصفة، وطرحوا علامات استفهام حول التوازن التمثيلي بمجلس بلدية بيروت المؤلف من 24 عضوًا مناصفة بين المسلمين والمسيحيين.

ومن بعد ما أصرّ على عدم تعديل قانون الانتخاب ورهانو على التحالفات لإنقاذ المناصفة ببلدية بيروت، يبدو انو رئيس مجلس النواب نبيه بري بلّش يلين ويميل لاعتماد اللوائح المقفلة لتأمين المناصفة، بسسس ببيروت.

الطابة اليوم بمجلس النواب من بعد المناقشات يلي عم تصير حول اقتراحات القوانين المعجّلة.

وبين الحسابات السياسية، والمخاوف الشعبية، بيروت بعدا ناطرة… فهل تُحسم الصورة قريبًا لتبقى بيروت واجهة الوحدة الوطنية؟