مرده البقاع مشاركاً بنشاط في أحضان الطبيعة تحت عنوان" لاقونا عدروب عيحا"

شارك مرده البقاع بدعوة من بلدية عيحا قضاء راشيا في نشاط في أحضان الطبيعة تحت عنوان' لاقونا عدروب عيحا' ( 19-10-2025) بحضور العميد شامل روكز وفعاليات سياسية، عسكرية، امنية، حزبية، تربوية، بلدية، اختيارية واجتماعية حيث القى مسؤول قضاء راشيا موسى زغيب كلمة لفت فيها الى ان:'عيحا، ضيعة العيلة الواحدة، شرفتني اليوم تا احكي باسمها

عيحا ضيعة مارمخايل ومولاي بهاءالدين

بترحب فيكن جميعا بهالنهار المميز، نهار اللقاء والعطاء والمحبة..

فخر كبير النا اليوم وجود العميد شامل روكز بيناتنا رمز من رموز الشرف والتضحية والوفاء،

كمان بنرحب بالسادة النواب الحالين والسابقين المحترمين،

وبكافة الظباط الحاليين والمتقاعدين

وبكل الفعاليات الرسمية، والبلدية، والاختيارية، الحزبية، والروحية، والاجتماعية والإعلامية،

كمان بنرحب بالفعاليات التربوية وجمعية ملوك الطبيعة وكل المشاركين معنا من دون استثناء، بهالنهار المميز

عيحا نورت بحضوركن'.

اضاف: عيحا المضيافة والطيبة،

بتفرح فيكن جميعا وبتفتخر بهاللقاء يلي جمع الكل على كلمة واحدة ومحبة واحدة.

وجودكن اليوم بيناتنا شرف كبير،

وبيأكد إنو لما منتلاقى عالخير، منزرع أمل، ومنقوّي بعض وبنضوي شمعة السلام والتآخي.

كل الشكر للقيمين على تنظيم هيدا النشاط على امل يكون نواة لنشاطات متتالية بالمستقبل

بالرغم من الظروف الصعبة يلي مر فيها لبنان وبعدنا عايشينها

هيدا اللقاء اليوم بيأكد على تكاتفنا مع بعض تا يضل لبنان مستقل حر موحد

تحت شعار وطني دائما على حق'.

النشاط تخلله عدة مسارات وشارك فيه عدد كبير من الاشخاص من عمر الـ ١٤ سنة وما فوق.