غادة عبد الرازق تردّ على اتّهامها بالنصب والاحتيال وتهدّد

غادة عبد الرازق عن اتهام شركة لها بالنصب والاحتيال: سأقاضي كل من شهر بي دون دليل

خرجت الفنانة غادة عبد الرازق عن صمتها للرد على اتهامات نسبت إليها مؤخرا من قبل إحدى الشركات، والتي اتهمتها هي وابنتها في تصريحات منشورة عبر وسائل إعلام ومواقع تواصل اجتماعي بـ النصب والاحتيال.

و توعدت غادة بملاحقة كل من نشر أو ساهم في تداول هذه الاتهامات دون مستندات قانونية واضحة، قائلة: هقاضي كل اللي هينشر كلام البنت دي من غير أدلة مؤكدة.. القانون واضح وبيقول أي نشر بدون مستند رسمي موثق من المحكمة يعد تشهيرا، ومش أي حد يقول حاجة تبقى حقيقة.

وأكدت غادة عبد الرازق أنها تحترم القانون المصري والدولي، وتثق أن القضاء سيكون الفيصل في هذه الأزمة، مضيفة: اللي بينشر حاجة لازم يكون معاه مستند رسمي، مش كلام حد ماشي في الشارع.. أنا بلغت، واللي عنده حاجة يروح المحكمة.

وردت غادة على هذه الادعاءات قائلة: هي البنت رفعت قضية؟ بتقول؟ طب تبعتلي ورق المحكمة! اللي بيكتب عني لازم يكون عارف إن اللي بيعمله ده تشهير.. ما ينفعش أي حد يطلع يتكلم عن فنان ونتعامل معاه كأنه حكم قضائي.

وأضافت غادة عبد الرازق: لو هي فعلا عندها قضية تبعتلي الورق الرسمي، مش بوستات.. أنا فنانة ودي سمعتي، ومش هسكت لأي حد يكتب عني كلمة من غير إثبات.

وكانت إحدى الفتيات قد نشرت عبر منصات التواصل الاجتماعي ادعاءات تتهم فيها غادة عبد الرازق وابنتها بالتورط في عملية احتيال مرتبطة بإحدى الشركات التجارية، دون أن تقدم أي مستند قانوني أو إثبات رسمي يدعم كلامها.