كشف أحمد الجندي، محامي نجل الفنان المصري محمد رمضان، أن أسرة الطفل المشتكية في حق موكله تسعى لابتزاز رمضان ومساومته للحصول على تعويض، لأنه نجم.

وقال الجندي خلال لقاء له مع برنامج 'ET بالعربي': 'مفيش خناقة، أطفال في نادي بيلعبوا مع بعض، والأطفال تنمّروا على ابن محمد رمضان وقالوا له إنت إسود زي أبوك، فحصل خلاف بين الأطفال وتدافع، موضوع عادي جداً بيحصل في النادي'.

وتابع: 'علشان والد الطفل نجم الموضوع اتصعّد، والطرف الثاني اشتكى وراح نيابة ومحكمة، ومؤخراً في الجلسة كانوا جايين يطلبوا تعويض، واضح إن الهدف الأساسي يطلبوا تعويض طمعاً في محمد رمضان مش أكثر، والأهداف من وراء هذا الكلام ابتزاز ومساومة محمد رمضان، وده ظهر في الجلسة إمبارح'.

ورداً على سؤال حول احتمال الصلح بين الطرفين، قال محامي محمد رمضان: 'محدّش يكره الخير، لكن أسرة الطفل هدفها مادي، إزّاي ندفع حاجة على حاجة محصلتش؟ وإلا هنفتح المجال لأي حد يبتز محمد رمضان، ويتوجه ببلاغ ضده أو ضد أي حد من أهله'.

وأوضح المحامي أحمد الجندي سبب توجّهه للطعن في حكم المحكمة بإيداع نجل محمد رمضان دار رعاية قائلاً: 'هو حكم غيابي صدر في غياب الدفاع، من غير مناقشة الطفل ولا سماع دفاعه، ونعتبره إخلال بحق الدفاع واستعجال في البت في الدعوى بدون سماع الأطراف وتمحص وجوه الشهود ومراجعة المستندات والكاميرات'.

وأضاف: 'هنتقدّم بشكوى لهيئة التفتيش القضائي، وهنطعن على الحكم بالطرق القانونية، وبإذن الله تتحدّد جلسة جديدة ويحضر علي نجل محمد رمضان، وبإذن الله يثبت براءته'.

وكشف الجندي عن تأثير الحكم في الفنان محمد رمضان، والذي قال: 'محمد حزين، مش كفاية اللي بيتعمل معايا... ابني كمان، ويا ريته راجل كبير، ده طفل عمره 10 سنين'.

(لها)