كتب السيّد طارق ويزاني، والد الشاب علي ويزاني، الذي توفي إثر حادث سير في نفق الطيّونة منذ أسابيع قليلة:

'إلى التقرير الإخباري الذي نشر مقطع (فيديو) على منصة المدن لابني علي وهو على الارض،

ما بسمحلكم، وما بعطيكم الحق، تنشروا صورة أو فيديو لابني بهيك حالة.

أنا كأب ، ما بقبل فيديو ابني على الأرض، مشهداً متداولاً على شاشاتكم وصفحاتكم.

في شي اسمه حرمة الموت، وفي شي اسمه كرامة الإنسان، وفي شي اسمه احترام مشاعر الأهل، انتو عارفين شو عم يصير فينا بس عم نشوف هيك مشاهد عن علي،

إذا بدكم تنقلوا الحقيقة، انقلوا مسؤولية ما حصل، احكوا عن نفق الموت، عن الإهمال، وعن ضرورة إنارته حتى ما نخسر أبناء غيرنا.

لكن ابني عالارض مش صورة للنشر، وكرامته مش مادة إعلامية.

أطالبكم بحذف الفيديو فوراً، وعدم إعادة نشره تحت أي ظرف،

كل انسان معو فيديو او صورة لابني على الارض يمحيها لاني مني مسامحه شرعاً اذا بيتركها ،

هيدي صورة علي وبس ❤️'.