دمج لافتة القصر العدلي بالحسكة!.. تعبت لافتة القصر العدلي بالحسكة وهي رايحة جاية لعند الخطاط، أول مرة نجحت اللافتة بالدمج وجمعت اللغتين العربية والكردية، وصفّق الناس للوحة الفسيفسائية والوحدة اللغوية يلي استمرت كم ساعة قبل ما تنزل اللافتة وترجع عالمطبعة.

نجاح اللافتة لم يعجب عشاق الرسوب بالتشابه، والعيش على أكتاف الانقسام والترينداد والإقصاء والإلغاء، ومعهم عشاق اللغة الأجنبية لأن مثلما بتعرفوا نحنا منحكي كلمة عربي كلمة انجليزي والأجانب كثير بحاجة يستدلوا على اسم القصر العدلي، يعني تخيلوا سائح أجنبي مارق بالصدفة مرة كل خمسين سنة من أمام القصر العدلي ومايعرف إنو هذا قصر عدلي شو بدو يحكي علينا.

المهم اللافتة شكلها راحت على أميركا زيارة ورجعت نص إنكليزي ونص عربي، وصار عنا وحدة عالمية لغوية واتحدنا مع اللغة الانكليزية ووصلنا رسالة لكل العالم 'شوفو عنا لغات'، ووصلنا رسالة للداخل عنا لغة وحدة، بس مو مهم المهم رسائل الخارج.

اللافتة يلي بلشت رمز للاندماج والتنوع والوحدة تحولت سريعاً لرمز الانقسام وصارت متهمة إنها تخل بالوحدة الوطنية والدمج والديمقراطية والاعتراف بالتنوع اللغوي. وسقطت اللافتة من جديد وعادت إلى المطبعة.

لماذا لا يمشي الوزير في سوريا؟

فكر المسؤولون عن الطباعة ماهي مشكلة اللافتة فاكتشفوا أن مشكلتها في اللغة الثانية 'كردي، إنكليزي' فقرروا إعادة طباعتها باللغة العربية فقط. وهيك بتكون لوحة متقشفة لغوياً ليس فيها وحدة عالمية ولا وطنية.

ولأن تحليل المسؤولين للمشكلة ماكان فيه وحدة وطنية سقطت اللافتة من جديد وراحت هالمرة لمكان ثاني ما يبدو أنه هالمكان هو المطبعة.

صاحب المطبعة تعب وهو يراقب دورة حياة اللافتة القصيرة من التصميم للطباعة وبعدين رحلتها للقصر العدلي وهنيك بعد ما تتركب تنفك ويرجع يصمم غيرها والحلقة تتكرر .

ومع إنها هاللافتة صارت دخل يومي مضمون لصاحب المطبعة إلا أنه كمواطن صالح بحب اللوحة الفسيفسائية والوحدة الوطنية ونجاح الدمج اقترح يتبرع بلافتة الكترونية بالعربي والكردي والانكليزي وبتدور فيها اللغات على مدار اليوم ومعا بتدور عجلة الدمج والوحدة الوطنية والسلم الأهلي.

عبودة الخضرجي يؤكد أن ارتفاع سعر البندورة سببه ترانب ومضيق هرنز