تم إطلاق لائحة 'سوا لزغرتا إهدن' المدعومة من 'تيار المرده'، النائب والوزيرالسابق اسطفان الدويهي، النائب والوزير السابق سليم كرم، الوزير السابق زياد المكاري و'التيار الوطني الحرّ'.

لائحة 'سوا لزغرتا إهدن'، لائحة مُكتملة تخوض الإنتخاباتالبلدية في زغرتا–إهدن وقد أعلنت عن برنامجها باحتفال أقيم في وسط مدينة زغرتا وتحديداً في باحة كنيسة سيدة زغرتا الأثرية.

تخلّل احتفال إطلاق اللائحة كلمات لمرشح رئاسة البلدية بياروجورج زخيا الدويهي وللمرشح لمركز نائب الرئيس ضوميط يوسفعاقلة.

وفي خلال الكلمات تمّ التأكّيد على ضرورة الاستمرار بالنهجالتنموي السائد في مدينة زغرتا لما للمجلس البلدي من دور أساسي في الوقوف الدائم الى جانب المواطن وفقاً لمبدأ الواجبات والحقوق.

حضر حفل الاطلاق النائب طوني فرنجيه وعقيلته السيدة لين زيدان فرنجيه، النائب والوزير السابق اسطفان الدويهي ونجله الدكتور أنطوان الدويهي، الوزير السابق زياد المكاري ونجله تادي المكاري، السيدة ماريان باسل فرنجيه، منسق 'التيار الوطني الحر' فيقضاء زغرتا عبد الله بو عبد الله، بالإضافة إلى أعضاء اللائحة وحشد من المؤيدين.

والحفل الذي تخللّه عرض للمشروع الانتخابي الخاص بلائحة 'سوالزغرتا إهدن'، قدّمته الإعلامية جاسينت عنتر.

بيارو زخيا الدويهي: رؤيتنا للبلدية واقعية وتتقاطع مع مصلحة الناس

رئيس اللائحة بيارو زخيا الدويهي لفت في كلمته الى تعب الناس من الكلام الفضفاض والوعود والشعارات مؤكداً انهم كلائحة سيعملون معاً من اجل بلدية 'بتحب الناس والناس بيحبوها'.

وقال: زغرتا ضيعة، عندها تاريخ، عندها البطريرك الدويهي القديس يوسف بك كرم البطل الى رئيسي جمهورية، كما عندها سيدة زغرتا وقلب ونبض وكرامة.

وتابع: 'بضيعتنا في أشياء كتير حلوة حابب اتوقف عندا، نخوة الناس، السلام الصادق بين الجيران، فكرة انو كلنا بنقرب بعض، في هوية زغرتاويي ما في مثلا بمحل ثاني، ميشان هيك هالضيعةبتستحق بلدية على قدّها، بلدية مش بعيدة، بلدية موجودة بين الناس، بتعرف شو يعني نمشي بالعتمة، شو يعني جورة بالطريق، شو يعني سيارة مسكرة رصيف، وشو يعنيعمران عشوائي بيشوّهصورتها الحلوة.

واضاف: رؤيتنا الجديدة واقعيّة مشروعة بتتقاطع مع مصلحة الناس، ومع التيارات والفعاليات السياسية اللي داعمتنا والغير داعمتنا، ومنأكّد بعد مرّة، انو أفكارنا وخططنا وطموحاتنا هي مطالبن كمان، لانو لمّا بتكبر زغرتا- إهدن، كلنا من دون استثناء منكبر معها!، لما سلّموني هالمسؤولية أنا قبلتها من دون تردد، من بعد ما لمست انو هدفي متماشى مع هدفن، وانو هني متلي ومتل كل زملائي المرشحين معي لعضوية المجلس البلدي الجديد، أمنيتن نسلّم بعد 6 سنين بلدية قادرة تدعم ومش بلدية بحاجة لدعم، وانشالله نكون على قد المسؤولية.

وقال: رؤيتنا هي بلدية بتشتغل بشفافية، بتصرف كل ليرة بمحلها، وبتفتح بوابها للكل، وما بتسكرها بوجه حدا وبحب شدّد إنو هالبوابرح تضلّ مفتوحة دايماً لكل شخص عندو طلب محق، عندو فكرة بنّاءة، او مشروع بيفيد الضيعة، أو اقتراح بيطوّر شغلنا. كل حدا حامل نية صافية وبدّو يشتغل لمصلحة الناس، أهلاً وسهلاً فيه بأي وقت. بس بنفس الوقت، هالبواب رح تضلّ مسكّرة بوجه أي مخالفة للقانون.اليوم،نحنا بدنا نرجّع ثقة الناس ببلديتن. بدنا نخلّي كل مواطن شريك حقيقي، نسمع صوتو،ونردّ عليه بالفعل مش بس بالحكي، نحنا جايين نحط بَصمتنا، بروح جديدة، بخطّة واضحة،  وبفريق بيشتغل بعقل مش بزقفة.

واوضح: كرمال هيك، أولويتنا رح تكون:

الشفافية والمحاسبة كل مصروف رح يكون مكشوف. كل ليرة نْجَبيت، رح تكون لخدمة الناس، مش للمحسوبيات.

تنظيم وإعادة هيكلة المجلس البلدي كل لجنة عندها دور واضح، ومهام واضحة، ومحاسبة واضحة.

خدمات أساسية بتكَرّم الناس ما بتذلّن، نحنا منعرف مشاكلكن، ورح نشتغل على حلول دائمة، مش مسكّنات.

تنظيم وجود الأجانب بطريقة قانونية وحازمة، نحنا… مع كرامة كل إنسان،بس كمان مع حماية مجتمعنا من الفوضى والمخاطر.زغرتامش شغل نهار انتخاب. زغرتا بتستاهل تعب سنين، بتستاهل وجع راس، ووجع قلب. في تحدي كبير قدامنا، وضع البلدية كتير صعب، المتطلبات كثيرة بدنا نوقف حدكن بس بدنا ياكن معنا كمان، إيد واحدة ما بتزقف.

أنا، ومعي فريق متنوع من اختصاصيين وأصحاب خبرات، رجال ونساء، منفتحين على الكل، بس منتميين لزغرتا وحدها جاهزين نحمل هالعبء. رح نشتغل بإخلاص ونتعاون مع الكل، ونكمّل الطريق سوا.

لأنو بلديتنا مش ملك حدا هي بيتنا كلنا. زغرتا – إهدن ما لازم تكون بس قصة حنين… لازم تكون قصة مستقبل. من هون، من قدّام كنيسة سيدة زغرتا، اللي أول ما وصلوا جدودنا من إهدن عمروها قبل بيوتن، منبلّش اليوم مشوارنا… من هون، من مطرح محفور بإيمان الناس وصمودن، منطلق حملتنا اللي عنوانها الشفافية، المشاركة، والمحبة.سوا، خطوة خطوة، رح نبني بلدية بتحب الناس، وبيحبوها الناس.بيحبوها الناس بس نكون عادلين، بس نكون بيناتن، وبس نحسّ بوجعهن.

كرمال ولادنا، كرمال ضيعتنا، وكرمال كل حدا بعدو بيحلم، متلنا، بزغرتا أحلى…  سوا_لزغرتا_إهدن'.

في الختام عرض لنبذة عن مشروع اللائحة البلدي زفيه:

– رؤية البلدية

1- إدارة شفافة

2- تفعيل عمل المجلس البلدي

3- تعزيز الخدمات الأساسية

4- إدارة النفايات وتعزيز النظافة العامة

5- التنمية السياحية والسياحة الدينية

6- إشراك أبناء زغرتا-اهدن في الأنشطة الرياضية لبناء جيل صحي

7- تأهيل المواقع الطبيعية والأثرية

8- معالجة ملف الوجود السوري وصون الاستقرار المحلي

9- تأهيل الأحياء القديمة والحفاظ على التراث العمراني

10- تنظيم السير وتعزيز السلامة العامة

11- تطوير وتعزيز التعاون مع جمعية تجار زغرتا-اهدن والمؤسسات الخاصة لتشجيعها على استخدام منصة إلكترونية مخصصة للشباب كوسيلة لتوظيف الكفاءات المحلية.

12- تعزيز الروابط بين المقيمين والمغتربين

ضوميط عاقلة: علينا أن نكون جميعا في خدمة زغرتا وغهدن

وبدور، وفي خلال كلمة له، قال المرشح لمركز نائب رئيس بدلية زغرتا إهدن ضومط عاقلة: أن تكون زغرتاوي اهدني فتلك مسؤولية كبرى لانك مؤتمن على تاريخ وحضارة وعراقة عمرها مئات السنين.

ان تكون زغرتاوي اهدني معناها إنك حفيد القديسين والابطال والعظماء والمفكرين.

ان تكون زغرتاوي اهدني معناها أنك تجسد القيم والاخلاق والكرم والبعد الحضاري والتراثي والثقافي.

ان تكون زغرتاوي اهدني فتلك من الحالات النادرة ان ينتمي شعب واحد الى مدينتين. سجلات النفوس واحدة، الرعية واحدة، البلدية واحدة اسمها بلدية زغرتا اهدن.

وفاءً لالتزامنا بهذه المبادىء قررنا ان نترشح ونخوض معركة انتخابية ديمقراطية مبنية على الشفافية والتعاون لخدمة كافة ابناء زغرتا اهدن من دون تمييز. هدفنا ان تنبض زغرتا اهدن بالحياة.

فيا اهلنا في زغرتا نحن منكم ولكن، هدفنا ان نخدم لا ان نحكم، تعرفوننا ونعرفكم وقلنا ثقة بكم.

مدينة زغرتا اهدن أكبر منا جميعا وعلينا ان نكون جميعا في خدمتها'.

أعضاء اللائحة

وتتألف لائحة 'سوا لزغرتا إهدن' من المرشحين: بيارو جورج زخياالدويهي، ضوميط يوسف عاقلة، رامون أمين دحدح، بطرس بولس فرنجية، جوزيف سايد سعادة، أندريا رشيد معوض، ميشال مرسال الدويهي، سايد أنطوان كرم، أنطوان يوسف الحلبي المكاري،

رلى إميل غالب فرنجية، إيف يوسف الكوسى، ألان يوسف مرقص الدويهي، شادي ميشال يمين، جوال أسعد المكاري، ستيفاني سعيد نعمه، بدوي يوسف الشيخا الدويهي، أنطوان يوسف عبود، مارسالطنوس عبدالله، حنا شارل إسكندر، صوفيا سمير بو نعمه وجورج سايد المكاري.