يوسف: أنا من بداية الأزمة اتغيرت كل حياتي

خزامى: اسما ثورة ازا بتريد

يوسف: أوك ثورة أزمة ما اختلفنا

خزامى: لا يا سيدي اختلفنا .. قال بعد مليون شهيد بيقلي أزمة

يوسف: ستي المهم أنا كنت بالجامعة لما هجمو المسلحين

خزامى: اسمن ثوار يا أخي أيمت بدك تفهم

يوسف: دخلك هلأ هدول حالياً ثوار

خزامى: أي طبعاً .. هلأ الثورة انسرقت بس إنو عادي بترجع البضاعة المسروقة

يوسف: وبهالطوشة مين بيرجعلي الـ 14 سنة من عمري

خزامى: والله نظامك هو السبب

يوسف: نظامي؟ نظامي أنا؟ .. مو نظامي اللي اعتقلني سنتين؟

خزامى: أي بس هاد ما بيعني إنها مانا ثورة

يوسف: يا أختي ثورة .. بس يوم السقوط رحت لحت…

خزامى: ما بسمحلك أبداً اسمو يوم التحرير

يوسف: تحرير .. تحرير .. بس هالقتلى اللي راحو

خزامى: اسمن شهدا يا يوسف شو صايرلك اليوم

يوسف: شو صايرلي أنا مو؟ … ما في شي بس عوارض أزمة قلبية

خزامى: اسما ثورة مو أزمة