أكّد النائب هاكوب ترزيان أنه على مرّ السنين، كل ما الدولة الأبيّة بتوقع بالضيقة وبدها مصاري، أوّل قرار بيطلع: زيدوا الضرايب ومدّوا إيدكن على جيبة المواطن. نفس الأسطوانة، ونفس الحمل بينكبّ على ظهر الناس اللي أصلاً ما بقا قادرة تتحمّل.كنّا متأمّلين خير بهالحكومة، وقلنا يمكن هالمرّة بتتغيّر الطريقة، بس للأسف رجعنا شفنا نفس الذهنية… قرار ورا قرار، وغلط ورا غلط. لا تعلّموا من الماضي، ولا سألوا ليش هالسياسات نفسها ما نفعت قبل.وكل يلي صوّت على موازنة ٢٠٢٦، موازنة قطع الرقاب، هني كمان شركاء بهالمسؤولية.والنتيجة متل العادة: المواطن عم يختنق، والاقتصاد عم يغرق أكتر وأكتر.الله يكون بعون هالشعب.