نشر النجم المصري تامر حسني عبر حسابه على منصة انستغرام رسمة أظهرت مجموعة من الأشخاص محمولة على أكتاف رجل واحد.

وبالتزامن مع اقتراب شهر رمضان المبارك، أرفق تامر حسني الرسمة برسالة مؤثرة، جاء فيها: 'على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميل... تفتكروا لو اللي شايل كل الناس دي على ضهره لو حد من اللي شايلهم غلط فيه أو ظلمه أو حد سخنه وخلاه يقول كلام مش فيه أو شتمه حتى شتيمه صريحه…'.

وأكمل تامر حسني حديثه قائلا: ' لو اللي شايل الناس دي كلها قرر يقوم و يقف و يرد عليه!! هيحصل إيه للناس دي كلها اللي ملهاش ذنب!!؟ أكيد هيقعوا و يتعوروا وهما ملهمش ذنب وخصوصاً إن اللي شايل الناس دي كلها هو شايلهم لإنه بيحبهم (...) هما فوق فا مش شايفين معاناة اللي شايل عشان كده ربنا بيدي الشخص المسؤل عن ناس كتير أو موظفين أو عيلة قوة تحمل وصبر وحكمة ورحمة مش عند حد وعشان كده ربنا بيباركله في مشواره اللي ماشيه (...)'.

وختم تامر حسني: 'وصف الرسول عليه الصلاة والسلام الرجل القوي الشديد باللي بيمسك نفسه عند الغضب مش اللي بيتخانق ويضرب يلا نبدأ الشهر بالتسامح والرحمة ورمضان كريم على الجميع'.