شاركت ملكة جمال لبنان السابقة والممثلة نادين ويلسون نجيم مقطع (فيديو) عبر حسابها على منصة انستغرام، حيث وجّهت تحية لروح الشهيد الرائد محمد فرحات وحاولت نشر الوعي بين المواطنين اللبنانيين في ظل الظروف الخطيرة التي يعيشها الوطن.

وفي التفاصيل، قالت نادين ويلسون في رسالتها: 'سنة قطعت على الجملة الشجاعة للشهيد الرائد محمد فرحات، 'We are defending our Land... إذا بقلك يا عسكر تلئم بتلئم'، وما نسيتله ياها اسرائيل، اليوم استهدفته استهداف مباشر للعسكري الضابط بالجيش اللبناني وبعد في ناس بتخبركن انو اسرائيل عندها مشكلة مع جزء من اللبنانيين مش مع كل اللبنانيين'.

وأكملت نادين ويلسون نجيم حديثها قائلة: 'اسرائيل عندها مشكلة مع أي شخص بيرفع راسه قدامها، عندها مشكلة مع أيا شخص عندو نقطة كرامة، عندها مشكلة مع كل شبر من لبنان، عندها مشكلة مع كل مواطن من هيدا البلد، الي عم بيخبركم ويكذّب عليكم غير هيك، هيدا لا بدو مصلحتكم ولا بيعرف مصلحة لبنان ولا عالأكيد بيعرف مصلحة الجيش اللبناني'.

وختمت نادين ويلسون نجيم رسالتها بإلقاء الضوء حول محاولة العدو إثارة الفتنة بين صفوف المواطنين، وتمنّت من الجميع التحلي بالوعي لتخطي هذه المرحلة والتصدي لأي مخططات، وعلّقت على المنشور قائلة: 'الله يرحمك يا بطل يا وطن. رح تكون محفور بذكرياتنا للأبد!'.

وكانت قد نشرت نادين ويلسون نجيم سابقًا مقطع فيديو أظهرت من خلاله الغارات العنيفة التي استهدفت الضاحية ليلة أمس الأربعاء وكتبت: 'لبنان ما بقى قادر يتحمل هالوجع. بيروت، اللي كانت رمز الأمل والصمود، صارت مهدومة، والجنوب عم ينمحي ضيعة بعد ضيعة. أهلنا، ناسنا، اللي تعبوا وعمّروا، كل شي عم ينضرب، كل ذكرى وكل حلم عم ينكسر. هيدا مش بس حرب، هيدا مجزرة على كرامتنا وحياتنا'.

وختمت نادين ويلسون نجيم الرسالة وكتبت: 'ما فينا نضل نمرق بهالقهر كل ١٥ سنة. نحنا، اللي حبنا لهالبلد ما بينوصف، منستاهل نعيش بأمان وسلام. صار وقت نوقف ونقول 'خلص' للعالم المتخاذل و المنافق! لبنان بيستحق الأمان، الكرامة، ومستقبل مشرق لأولادنا'.