اخبار لبنان
موقع كل يوم -نافذة العرب
نشر بتاريخ: ١٦ تشرين الثاني ٢٠٢٦
بإطار خطتها المستمرة لتحديث أسطولها ومواكبة أحدث ما توصّل إليه قطاع الطيران عالميًا، الميدل إيست عم تكمّل مسيرتها كشركة رائدة بالمنطقة، وملتزمة تقدّم لمسافريها أعلى مستويات الجودة والراحة، من خلال الاستثمار بأحدث الطائرات وأكثرها تطورًا، والأهم من دون ما تكلّف الخزينة أي عبء مادي بل على العكس الميدل ايست عم بتدخّل عالخزينة عشرات ملايين الدولارات سنوياً من أرباحها!
وقبل ما تستلم طيارتها الجديدة، الإيرباص A321XLR، نظّمت الميدل إيست جولة لوفد من الإعلاميين على مصنع الشركة بمدينة هامبورغ الألمانية، واطّلعوا خلالها على أحدث التقنيات المعتمدة بصناعة الطيارات، خصوصًا هالطراز الجديد.
الطيارة رح تحط بكرا بمطار رفيق الحريري الدولي، وبانتظارها رئيس الحكومة نواف سلام.
الكابتن مازن محيي الدين، اللي رح يقود الطيارة الجديدة من هامبورغ لبيروت الثلثاء، أكّد بحديث خاص لـIMLebanon من هامبورغ، إنو الطيارة عندها إمكانيات إضافية بتساعد الشركة تفتح وجهات جديدة، لأنها بتقدر تطير حوالي 11 ساعة.
بالتالي، الـMEA متل ما كانت بالحرب، هيك بالسلم، ما بتتعب ولا بتستسلم برفع اسم لبنان عاليًا، وباثبات إنو شركة بمعايير عالمية.











































































