اخبار لبنان
موقع كل يوم -يا صور
نشر بتاريخ: ١٦ تشرين الثاني ٢٠٢٦
الشاب ايمن درويش يدحض رواية محمد بركات وقناة MTV 'البوليسية' ويروي ما حصل في Wooden Bakery:
من فترة، كنت ببيروت أنا وشب صاحبي، وإجاني اتصال من الصديق غسان جواد، قالنا: «اطلعوا صوبي ع عاليه». وبالطريق، قلنا منمرق منجيب حلو من Wooden Bakery. وبالصدفة، شفت محمد بركات بالمحل.
قرّبت عليه وقلتله: «مبيّن عليك شب لطيف. ما تعمل عـ./داوة مع أهلك وناسك. عيب عليك، هول أهلك اللي عم تحـ./رّض عليهن. في آلاف الشh-داء، وبيوت مدمّرة، وناس مشرّدة. نصيحة، كون ضدّ الحـ../زب، بس ليش عم توقف بصفّ الإسرا2. يلي؟ ليش عم تعادي الشh -داء وهني بعدن تحت الردم وما اندفنوا؟ كون مع أهلك وناسك، تا بكرا لما تطلع ع ضيعتك، تطلع مرفوع الراس، أحلى ما تطلع ويبزقوا عليك».
هيدا كلّ اللي صار!
يعني أنا فتت ع محل مليان كاميرات، وحامل تيليفوناتي معي، ودفعت عبر Wish باسمي. لا متخبّي، ولا متنكّر، ولا حتى عامل حساب إنّي ما انعرف.
وبتفاجأ مبارح إنّو الـMTV عاملة تقرير، وعم تحكي عن إنّو نحنا كنّا راصدين محمد بركات، ولاحقينو، وعم نهـ./دّدو!
أنا قلتله كلمتين لازم يسمعن بوجّو، لأنّي فكرت إنّه بني آدم خرج ينحكى معه. بس الظاهر إنّي كنت غلطان.
يعني من مصادفة بمحل حلويات، وكلمتين قلتن بوجّو، صار في عملية رصد وملاحقة وتهديد! والكذاب عم بقول إنو القوى الأمنية خبرتو انو نحن لاحقينو، فيهن يراجعوا الكاميرات وداتا جغرافيا الاتصالات بيقدروا يعرفوا بسهولة...
العمى شو إنّك سخـ/يف!
أمّا بخصوص الـMTV، فعنجد رزق الهبل عالمجـ./انين











































































