اخبار تونس
موقع كل يوم -أنباء تونس
نشر بتاريخ: ٢٣ أيلول ٢٠٢٥
اختار نقابيو الديوان الوطني للطيران و المطارات التوجه للتونسيين بالتوضيح التالي و بالدارجة التونسية:
'على الرغم من النتيجة متاع التحقيق إلّي عملتو الـ BEA الفرنساوية، البايلوت متاع Nouvelair Tunisie، إلّي كانوا في قيادة ال Airbus A320-214 matricule TS-INP، عملوا إنجاز كبير نهار الأحد العشية وقتلي تفاداو بصعوبة كبيرة حادث كان يصير مع EasyJet A320-214 إلّي كانت واقفة lined up على نفس ال piste 04R في مطار Nice Côte d’Azur.
الطاقم #التونسي عمل manœuvre شبه مستحيلة في ظروف صعيبة برشا: عواصف، visibilité ضعيفة، و رياح تتبدل بال gusts يوصلوا 35 knots.
باش تتفادى collision على بعد أقل من 3 امتار من طيّارة واقفة في الأرض، لازم برشا compétence و concentration، خاصة و الخطر ما يبان كان في آخر لحظة حرجة.
أحداث كيف هكا نادرة برشا في مطارات فيهم زوج pistes، واحد عادة للهبوط و واحد أخر للإقلاع. كيفاش حاجة كيف هكا تصير؟
في الرحلة Tunis–Nice، كيف دخلت الطيّارة الأجواء الفرنساوية، كان لازمها تعمل contact مع Marseille FIR، إلّي عطاتهم كلّ الـ instructions اللازمة باش يكمّلوا ل Nice. كيف بدات ال descente، الطاقم دخل على fréquence ATIS باش ياخو التحديثات automatic على meteo و pistes active. هكاك خذاو idée واضحة على الوضعية و طلبوا vectors précis من ال approach controller.
دور ال approach controller هو يهبّط الطيّارة تقريب 3,000 pieds، هنا على heading 360، قبل ما يعطي autorisation متاع ILS approach لواحدة من الزوز pistes. وقتلي الطيّارة تتثبت على ال localizer، يبعثلهم تعليمات باش يعملوا contact مع برج المراقبة. في اللحظة هذي، واحد من الطاقم يقول بالراديو: “Flight XXX established on the ILS for runway XX, requesting landing clearance.” وإذا يسمح، البرج يعطي الـ clearance مع اتجاه و سرعة الريح.
في المرحلة هذي، الطيّارة عادة تكون بين 7 و 8 nautiques بعيد على piste، على ارتفاع قريب 2,500 pieds. من اللحظة هذي، البرج ياخو كامل المسؤولية باش يراقب ال approche و يتأكّد إلي المعلومات صحاح، خاصة في ظروف meteo خايبة.
باش يضمنوا safety أقصى في العمليات الجوية، مطار Nice باش يجيّب Approch Path Monitor (APM) إلّي يعطي alerts في الوقت للـ Air Traffic Controller إذا طيّارة ما هيش alignée مع ال piste الصحيحة في final approach، في أي ظروف meteo'.
