ناهد السباعي تكشف سبب رفضها تقبيل حورية فرغلي أمام الكاميرات

حرصت الفنانة المصرية ناهد السباعي علي الرد على الموقف الذي جمعها بالفنانة المصرية حورية فرغلي وتعرضت بسببه للهجوم عبر مواقع التواصل الاجتماعي.

وجاء الموقف جاء على هامش حضور حورية وناهد فعاليات مهرجان القاهرة للفيلم القصير، الذي أقيم حفل افتتاحه قبل أيام، إذ انتشر فيديو ظهرت خلاله الأولى تلقي التحية على الثانية واقتربت منها لتقوم بتقبيلها، وظهرت ناهد وهي تقول لها 'لأ خلاص' وتتحرك بعيدا عنها، وهو ما تسبب في الهجوم عليها، وجاءت التعليقات لتؤكد في معظمها أن التصرف غير لائق وتسبب في إحراج حورية.

ومن جانبها، حرصت ناهد عبر خاصية القصص القصيرة على موقع انستجرام، على توضيح حقيقة الموضوع، ونشرت فيديو، يشير إلى أنها التقت حورية في نفس اليوم على المسرح وقامت بتقبيلها، قائلة 'الموضوع كبر قوي لكن أنا فاهمة تأثير أفعالي وعايزة أوضح الوضع المنتشر حاليا، أنا بحترم كل زملائي في الصناعة وعمري ما بتسبب في أي إساءة عمدا، وحابة أوضح سوء الفهم لأنه أنا متفاجئة من ردود الأفعال'.

وتابعت 'بالنسبة للموضوع اللي حصل أنا مسلمتش لأنها كانت وسط مقابلة والكاميرا شغالة ومحبتش أقطعها، كان رد فعل تلقائي وعشان كده قررت أكتب رد عام عشان الكل يفهم الموقف بعدين احنا سلمنا على بعض على المسرح'.

ومن جانبها قالت حورية فرغلي : 'كنت أول مرة في حياتي أقابلها، وأول مرة أشوفها وعمري ما قابلتها قبل كدا، وفرحت أوي إني شوفتها وكنت عايزة أحضنها وأبوسها وقولتلها ممكن أبوسك'.

وتابعت حورية: 'وهي زقتني وقالتلي لاء، ممكن تكون هي مبتحبش حد يبوسها، وأنا متأكدة إن هي أكيد قصدها مش وحش، لأن هي بنت ناس، وممكن تكون هي عملتها بطريقة مش قصدها وأنا بقنع نفسي إنه أكيد مش قصدها'.