تلقيا تهديدات واتهامات بالتشبيح.. هذا ما حصل مع فنان سوري شهير وزوجته (صور)

ردت الفنانة السورية آمال سعد الدين على الشائعات التي تطال زوجها الفنان قاسم ملحو، من خلال منشور يتضمن الكثير من المغالطات والمعلومات والانتقادات التي نشرتها عبر صفحتها على انستغرام.

وشاركت الفنانة السورية متابعيها بصورة لتغريدة منسوبة لزوجها قاسم ملحو، ينتقد من خلالها عناصر الامن في الحكومة الجديدة، ووضعت فوقها إشارة X بالأحمر للتأكيد بأن هذه الصفحة لا علاقة لزوجها بها بل حساب مزيف يهدف ال التشهير بها وبقاسم ملحو.

وأرفقت الصورة بمنشور طويل كتبت فيه: 'أصدقائي، أحبتي، وكل من يهمه الأمر، في الأيام الأخيرة كترت الرسائل اللي عم توصلني على الخاص وفيها تهديدات وإساءات واتهامات بالتشبيح. وانا اليوم من واجبي اكتب هالكلمات ما دفاعا عن نفسي بل احتراما لسنين عمري ومحبتي لهالناس ولهالبلد'.

وأضافت: 'هل التشبيح يعني انو تنقصف مزرعة من النظام السابق زرعتها مع زوجي قاسم ملحو بعرق وتعب سنين بدروشا وتتحول لرماد؟، هل التشبيح هو انو قاسم يوقع على بيان درعا لادخال الحليب لاطفال درعا وقت كان النظام المخلوع محاصرهن ومانع اي شي يفوت على درعا؟ والبيان موجود يلي بيحب يدور عليه، واتعرضنا بعده لكل انواع التهديدات، تركنا بيتنا 5 سنين متلنا متل معظم الناس. فإذا كانت هالأفعال تُسمّى تشبيحا فاسمحولي نحنا اول المشبّحين'.

وتابعت: 'أنا ممثلة عشت بين الناس وضحكت وبكيت معكم ما اشتغلت سياسة ولا طالبت بكرسي ولا سافرت باسم حدا. اشتغلت بكرامة، يلي عم يكتب ويهاجم ويخوّن بسألكم، وين كنتوا انتو لما فقدنا أراضينا؟ لما تشرّدنا بداخل بلدنا؟'.

واكملت: 'لكل من أساء أو هدد: رح قول راجعوا ضميركم قبل ما تنزلوا بوستات وقبل ما تتأكدوا، وهاد اول وآخر بوست بنزلوا، ومنكم لربكم، وعندي دعاء بحبه كل سنة بنزلوا، هلق اجا وقته، اللهم اعطهم اضعاف ماتمنيتموه لنا'.(لها)