"حظي الحلو كنت قبله".. رامي صبري يكشف أسباب غنائه قبل منير في حفلة عيد الحب

كتب - معتز عباس:

أحيا المطرب رامي صبري، حفلة غنائية في فاميلي بارك الجمعة الماضية بمناسبة عيد الجب، في أولى حفلاته بعد إطلاق ألبومه الجديد 'النهايات أخلاق' الذي حقق نجاحا باهرًا ونال إعجاب الجمهور المصري والعربي.

وكشف رامي صبري أسباب، تقديمه للكينج محمد منير وغنائه قبله في إحدى الحفلات التي أقيمت مؤخرًا خلال احتفالات عيد الحب في منتصف فبراير الجاري.

ونشر 'صبري'، فيديو من الحفل عبر حسابه الشخصي بموقع الصور والفيديوهات 'إنستجرام'، معلقًا: 'فكرة الطموح والاصرار علي النجاح ده موضوع مش سهل ابدًا.. شغل كتير جدا سنين تعب ومجهود وصبر وتجديد واستحمال للحروب الناس اللي مش عاوزاك تنجح '.

وأضاف: 'المهم في الموضوع أني كان عندي حفلة فيها ملك من ملوك مصر في الموسيقى أنا حظي الحلو أني كنت قبله على طول وده والله شرف كبير ليا لاني بقدر جدا التاريخ والنجاح، ولاني عندي ثقه كبيرة في نفسي، قدمت الفنان محمد منير وغنيت مع الجمهور الكبير العظيم اللي كان منورنا، علشان يدخل دخله تليق بيه'.

وأكمل: 'عاوز أقول أن الأجيال بتسلم بعض ودي حقيقة ولازم نحترم مجهود ونجاح اللي قبلينا وتعبك ومجهودك وإصرارك هيوصلك لأبعد الحدود، شكرا للجمهور المصري والعربي كان يوم جميل جدا'.

وكان رامي صبري أصدر ألبومه الجديد “النهايات أخلاق” المكون من 12 أغنية، منها: “بين الحيطان”، “كل سنة”، “مبسوط يا بعد” ، “بحكي عليكي” ، “النجومية” ، “جت سليمة” ، “أمان يا قلبي” ، “ليك غلاوة عندي”، “حلفتك بالليالي”، و”جامد”.

'كسر ذراعه ليس أولها'.. 'حواديت' الألم والحزن التي تحداها محمد منير بالغناء