عمرو أديب: قانون الإيجار القديم لازم حد هيتظلم فيه

علق الإعلامي عمرو أديب على المناقشات الجارية حاليا بشأن مشروع قانون الإيجار القديم والذي يعمل مجلس النواب على إصداره.

وقال أديب خلال برنامج 'الحكاية' المذاع على قناة 'أم بي سي مصر': 'القانون ده لازم حد هيتظلم فيه، في حد هيجي عليه القانون لن يصلح هذا القانون الا بأن حاجة هتيجي على حاجة وفي الغالب اللي هتكون الدنيا جاية عليه شوية مش المالك'.

وأضاف: 'هذا القانون في رقبة مجلس النواب والمحكمة الدستورية العليا أصدرت حكم أنك لازم تطلع قانون متوازن، أنا كمجلس نواب عندي ضمير أنت بتتعامل مع 2 مليون حالة و33% منهم معاشات والكلام ده مش مقدمة أني أقول متعملش القانون ولكن انا بقولك أنت بتتعامل مع ايه'.

وتابع: '2 مليون بني أدم يعني 10 مليون مواطن مصري وأنت بتعمل هذا الأمر أرجوك أن تتوخى الحذر أنت بتتعامل مع تراكمات 60 سنة وهي دي مصر حضرتك أن جالك القانون ده مش ذنبك ولا ذنب المحكمة الدستورية العليا'.

وأوضح: 'بالعقل كده لما تيجي تقول لحد بيدفع 20-30 جنيه هزودك يقولك لا، الناس في بريطانيا وأمريكا بتضع ايجار'.

وأكمل: 'الوضع مختل جدا في ناس بتدفع ايجار 10 جنيه في شقة تمنها ملايين وأن الأوان مجلس النواب تشد الحكومة وتسألها أنت هتعرف تدي الناس دي شقق تعويض؟ هاتهم يا حكومة هل أنت عندك من الأدوات القانونية أن الراجل لو مطلعش من الشقة بعد 5 سنين هتقدر تطلعه'.

واختتم: 'أنا بقولك خلي بالك والحظر كل الحظر أنا عايزك كمجلس نواب تجيب الحكومة تلتزم أمامك، طيب الأدوات لو مش موجودة وأنت معندكش تعداد واضح، 60% من قضايا المحاكم هي قضايا إسكان وهل المحاكم دي عندها القدرة أن تقوم محكمة حكم أطلع برة؟ أنا عايز مجلس النواب يشرع ويعدل القضية ليست انجاز القانون ولكن تنفيذ القانون'.