لايف ستايل
موقع كل يوم -فوشيا
نشر بتاريخ: ٢٩ حزيران ٢٠٢٥
كشف الفنان الكوميدي المصري محمد ثروت عن كواليس مشهده الشهير في فيلم 'بنك الحظ'، مؤكدًا أنه تعرّض للضرب بشكل حقيقي خلال التصوير، تنفيذًا لتوجيهات المخرج أحمد الجندي.
محمد ثروت: ضُربت '30 قلمًا' بناء على رغبة المخرج
قال ثروت خلال ظهوره في بودكاست 'فَضفَضت أوي' الذي يقدمه المخرج معتز التوني، إن الضرب الذي تلقاه في أحد مشاهد الفيلم كان واقعيًا بالكامل، موضحًا: اتضربت 30 قلمًا فعلًا، لأن أحمد الجندي قرر يصور المشهد من 5 أو 6 زوايا، وكل زاوية كنت باخد فيها 5 أو 6 أقلام.. يعني الحساب كان واضحًا.
وأشار ثروت إلى أن الجندي أصرّ على تقديم المشهد بشكل حقيقي تمامًا، قائلًا له: مش عايز أي حاجة فيك.. الأقلام تبقى بجد، ولو حسيت إنك بتمثل هنعيد، مؤكدًا أنه بالفعل تعرض للصفع 30 مرة.
وتوقف ثروت عند مشهده الأشهر في الفيلم، حين يصرخ بشكل مفاجئ باسم 'أم صالح'، موضحًا أن هذا التصرف لم يكن مكتوبًا في السيناريو بل جاء بشكل مرتجل، وقال: فجأة قلت أم صالح وصرخت كده بدون ترتيب.. كنت فعلًا موجوع ومخنوق.. المشهد طلع من القلب فدخل قلب الناس.
يُذكر أن فيلم 'بنك الحظ' عُرض عام 2017، وهو من إخراج أحمد الجندي، وبطولة أكرم حسني، ومحمد ممدوح، ومحمد ثروت، تدور أحداثه حول ثلاثة موظفين يقررون سرقة بنك بطريقة عبثية مليئة بالمفارقات الكوميدية، وحقق الفيلم وقت عرضه ردود فعل قوية، خاصة بسبب تلقائية الأداء وروح الفكاهة التي طغت على مشاهده.
لقاء لا يُنسى مع شريف عرفة
الأستاذ شريف عرفة عايزك .. بس كده! ???? اتفرج على بودكاست #فضفضت_أوي من #إنتاجات_WATCHIT_الأصلية من هنا...
في سياق آخر من اللقاء، استعاد محمد ثروت ذكريات أول تعاون له مع المخرج الكبير شريف عرفة من خلال فيلم 'ولاد العم'، حيث قال إنه تلقى اتصالًا أخبره بأن 'أستاذ شريف عايزك'، وهو ما اعتبره بمنزلة حلم.
وأضاف: روحت المكان وقعدت وقلت لمساعد المخرج بعد إذنك عايز ورق الدور، قال لي حاضر، وبعد ساعتين رجعت وطلبته تاني عشان أحفظ الدور وأكون جاهز قدام أستاذ شريف، وده كان بالنسبالي حلم.
وتابع: فضلت 4 ساعات منتظر، وكل شوية أطلب الورق، لحد ما جالي حد وقال لي: البس ده، سألت عن الدور، قالوا لي أستاذ شريف هيقولك بنفسه.
وأوضح ثروت أنه ظل منتظرًا 6 ساعات أخرى حتى طُلب منه الدخول إلى موقع التصوير، حيث فوجئ باللقاء المباشر مع المخرج شريف عرفة، وأضاف: سلم عليا وقعد يهزر معايا، وبعدين قال لي: بص يا ثروت، أنت هتركب العربية دي، وتبص وراك وتقول: بدك تعاود ولا إيه؟ وسكت.. وأنا مستني يكمل الدور، بس طلع هو ده الدور. وتابع: رغم إن المشهد مكملش ثواني، لكنه علّق مع الناس، ولسه فاكرينه لحد النهاردة، وده من كرم ربنا.
