عمرو أديب: العالم يقف بشجاعة أمام إجراءات ترامب.. يا روح ما بعدك روح

أكد الإعلامي عمرو أديب أن العالم يواجه الرسوم الجمركية التي فرضها الرئيس الأمريكي دونالد ترامب، مشيرا إلى أن الدول ليس لديها مانع في خوض الحرب التجارية.

وقال أديب خلال برنامج 'الحكاية' المذاع على قناة 'إم بي سي مصر': 'غالبية الناس في الشرق الأوسط يروا غضب ترامب وانتقام ترامب، ولكن لا ينظرون إلى رد فعل الجانب الأخر'.

وأضاف: 'رد الفعل الألماني ورد الفعل الكندي احنا ولا يهمنا داخلين حرب تجارية، الحاج أبو حنان النهاردة عمل عملة غريبة جدا هو كان عامل على الصين 34 وكان قديم 10% والصين قالتله خد 34% الصين قالتله إحنا بنقول أي ومش عاجبنا'.

وتابع: 'النهاردة الحاج أبو حنان عمل عملة مش عارف هيستحملها ولا لا وقال لغاية بعد بكرة لو مشالتش الصين التعريفة الجمركية أنا هزود 50% فتبقى التعريفة الجمركية على الصين 104% ودا معناه انتهى الأمر وسكت الكلام'.

وواصل: 'النهاردة سربوا خبر من المسؤول الاقتصادي في البيت الأبيض أننا هنجمد العقوبات ولكن هو يضغط عشان الناس تتفاوض والبيت الأبيض بيقول احنا عندنا مفاوضات مع الدول، الصين جبارة وانا معرفش إذا كانت الصين هتخاف وترجع في كلامها ولا لا'.

وأوضح: 'تمن أجرة العامل في الساعة في المكسيك 9 دولار وفي كندا 40 دولار وفي أمريكا 70 دولار أنت عايز تعمل التكلفة بالتعريفة الجمركية'.

وأكمل: 'العالم يقف بشجاعة شديدة أمام إجراءات ترامب مهو ياروح ما بعدك روح وهيتراجع هيتراجع، لأن المسألة كل يوم بتزداد سوء وسواء وكل اللي بيحلم بيه محتاج سنين لحد لغاية بعد ما يمشي إلا لو مخطط أنه يقعد'.