أكد الإعلامي سيد علي أن هناك عدد من الشخصيات، التي تشعر بالحساسية تجاه كل ما يتعلق بالإسلام، مشيرا إلى أنهم ينتقدون الأزهر كلما وجدوا مناسبة لذلك.

وقال علي خلال برنامج 'حضرة المواطن' المذاع على قناة 'الحدث اليوم': 'في اثنين تلاته أول ما تيجي حاجة اسمها الإسلام أو الأزهر أو أي حاجة يهرسوا في جسمهم وجسمهم يوجعهم قوي، يقول لك أدي الإسلام وأدي الأزهر، والحقيقة بقوا بقى يعني بقى موقف سمج قوي وبقى سخيف قوي'.

وأضاف: 'طالعين وهم هم هم نفسهم بتوع نقد النص الإسلامي، بتاع أمريكا، بتاع المخابرات الأمريكية اللي بيقبضوا منها علشان يعملوا ده آه القريحة بتاعتهم قالت لهم إيه؟ قالت لهم لا، شوفوا الإرهابيين بتوع جامعة الأزهر دول متخرجين من جامعة الأزهر، وبالتالي عايزين يقولوا إن جامعة الأزهر جامعة بتخرج الإرهابيين'.

وتابع: 'بينما الحقيقة، الرئيس جمال عبد الناصر، والرئيس أنور السادات، والرئيس حسني مبارك، خرج معظم اللي قيل إنهم إرهابيين طالعين من هندسة القاهرة وطب القاهرة وهندسة عين شمس وطب عين شمس وطب إسكندرية، ما حدش فيهم من هؤلاء قال إن جامعة القاهرة إرهابية، ولا كلية الهندسة، ولا كلية الطب'.

وواصل: 'إنما لأن الأزهر فيه حاجة في الإسلام وشيء، والإمام أحمد الطيب واجعهم قوي، فما بيصدقوا أي حاجة وييجوا عشان يقول لك جامعة الأزهر دي إرهابية وأنا الحقيقة مش هقول أسمائهم، يعني فيهم واحد أنا بحترمه، إنما الثاني ليس له أي قدر من الاحترام، أو يعني هذا ساقط من زمان، سقط يعني، الحقيقة'.

وأكمل: 'هؤلاء نتنياهو وعصابته، نتنياهو وعصابته بيقولوا إن إحنا بنحارب حرب دينية، بنحارب المسلمين، ونحارب الإسلام، وبيعملوا في كذا كذا، وبيستخدموا النصوص التلمودية، ما شفتش واحد فيهم اتكلم ولا نقد ده بس النتيجة لأنه بيقبض، لأنه بيقبض، فأول ما تيجي سيرة الإسلام، يهرش الجرب اللي عنده'.

واختتم: 'ما شفتش كده أبدًا، الحقيقة يعني، يعني حتى هؤلاء، يعني الناس تداري شوية، إنما هذا البغض، وهذا الكره للإسلام والمسلمين، بقى لما واحد أو اتنين يخرجوا من جامعة الأزهر أو كذا يعني حضرتك لو ساكن في عمارة فيها واحد حرامي، تبقى العمارة دي بتاعة حرامية؟ لو حضرتك ساكن في حي وفي واحدة مش مظبوطة؟ هؤلاء اللي بيضحكوا على الناس، وعاملين فيها مثقفين، تبًا لكم، وتبًا لثقافتكم، وتبًا لتربيتكم، يعني الحقيقة مش عارف أقول لكم بإيه يعني'.