روت الفنانة المصرية هنا الزاهد كواليس انفصالها عن الفنان أحمد فهمي، وكيفية تخطيها لهذه الفترة الصعبة من حياتها.

‎وقالت هنا الزاهد: 'كنت عمري ما أتخيل حاجة اسمها طلاق، وربنا كان عارف إني مش مؤهلة لحاجة زي دي، وسهلها عليا، والموضوع حصل بالتدريج خلال 8 شهور'.

وأضافت: 'لو رجع بيا الزمن هخوض التجربة تاني، عشان أنا مكنتش هتعلم غير لما أتخبط جامد عشان أركز في اختياراتي بعد كده، ولكن مش أي حد نصدقه وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفي هنا من كل حاجة واتخطيت وكنت راضية جدا'.

‎وأشارت الزاهد إلى أن الأمر كان متعلقا بموضوع الإنجاب، حيث إنها كانت تحلم أن تصبح أما وتكون عائلة، وقالت: 'أنا بحب الأطفال جدا وكنت أتمنى تكوين عائلة، ولكن الواقع كان عكس كدة، وكنت أتعامل بحسن نية واللي قدامي ماكنش كده'، في إشارة على ما يبدو على عدم رغبة أحمد فهمي في الإنجاب.

وأعلنت هنا الزاهد انفصالها عن زوجها الفنان أحمد فهمي في نوفمبر من العام الماضي، بعد زواج استمر 4 سنوات، وكتبت وقتها عبر حسابها على موقع 'إنستغرام': 'الحمد الله تم الانفصال بيني وبين أحمد بعد 4 سنين جواز وربنا يكتب لكل واحد فينا الخير'.