أكد الإعلامي عمرو أديب أن مستوى الزمالك وبيراميدز لا يؤهلهما لتحقيق بطولة الدوري خلال الموسم الحالي.

وقال أديب خلال برنامج 'الحكاية' المذاع على قناة 'إم بي سي مصر': 'وقال يقولك ايه لا احنا نسيب الماتش لبيراميدز عشان الدوري هو دا اللي قادر عليه؟ ما تكسب أنت بيراميدز عشان تطلع أنت لفوق احنا دلوقت بنلعب لعب سلبي اللي هو أنا هسيب لهم الماتش وهرفع قضية'.

وأضاف: 'بجد وبصراحة الزمالك لا يستحق شيء وبيراميدز لا يستحق شيء والبنك الأهلي اجدع بنك فيكي يا مصر وهفتح حساب بالدولار مش بالجنيه في كل فروع البنك الأهلي حسبي الله ونعم الوكيل يا راجل دانا مركب دعامة حرام عليكم'.

وتابع: 'من امتى بيراميدز بيتغلب كذا ماتش ورا بعض من أمتي اللاعيبة بتاعتهم تعبانة كده احنا موجودين عشان نعمل الماتشات والأهلي ياخد الدوري، تلات نقط ادي عيد الماتش ادي'.

وواصل: 'على فكرة احنا مش مظلومين اوعى تسمع حد زملكاوي يقولك احنا مظلومين احنا ظالمين دا أنت ظالم جمهور الزمالك كله لما يبقي عندكم فريق، فين رئيس مجلس إدارة النادي؟ فين مجلس إدارة النادي'.

وأوضح: 'حالة من حالات التعب المستمر وعدم القدرة المستمرة واللا حيلة المستمرة والبكاء المستمر والإحساس بالمظلومية المستمرة والغلبان ده ناصر منسي ودوه الأهلي يلقى مستقبل مش ماضي'.

واختتم: 'احنا معندناش ماضي حتى مش عارف فجأة كده حسيت أني اضايقت مبروك هو العشر سنين الأخيرة بعمل ايه يعني ببارك للنادي الأهلي هل في نادي بيقعد عشر سنين أو تسع سنين ميعرفش ياخد الدوري؟ دا في أي تاريخ وفي أي دولة حوالينا؟'.