رأي الأستاذ العريبي في آخر "مذكرة العمل" اصدرتها المحكمة الإبتدائية بتونس (وثيقة)

بتاريخ 17 سبتمبر، أصدرت إبتدائية تونس مذكرة عمل و تلقاها بعد يوم مكتب الضبط لهيئة المحامين فرع تونس. الأستاذ المحامي نافع العريبي يدون ما يلي على صفحات التواصل الاجتماعي:

'السلام عليكم ورحمة الله وبركاته!

باهي منين نبدى ؟ ريتوها مذكرة العمل هذي؟ بالفرنسية اسمها note de service !

هذي يا سيدي ابسط شيء نقولوا مخالفة لمجلة المرافعات المدنية والتجارية ! علاش ؟ لان مجلة المرافعات تقول للمحامي القائم بالدعوى احترم اجل 21 يوم للاستدعاء ليكون اعلام المدعى عليه صحيح وفي اجالها والاستتباع المنطقي الي ينجر عن هذا هو حرية اختيار الدائرة المدنية أو التجارية الي باش تنشر امامها!!

منذ بعض السنوات الحرية هذي انعدمت (طبعا هياكل المحاماة سكتوا وتخلاوا على دورهم في هذا الموضوع) واصبحت كتابة المحكمة تتحمم في تعيين الجلسات وقت ما تفرغ بلاصة! يعني مثلا نجي نعين قضية فيها اداء مال تعين الي المحكمة بعد 4 أشهر في مخالفة تامة للاجراءات المدنية!!

هذا كله كوم !! اما احبتي تخيلوا كيفاش القضاة وما ادراك ما القضاة ينقلوا فيهم ويعينوا فيهم بنفس هذي مذكرات العمل!!

وبكل ثقة في النفس يقلك تونس تشجع على الاستثمار !!!