محمد رمضان: أنا براند كبير ومليونير من يومي والفلوس بتجيب سعادة

تصدر الفنان المصري محمد رمضان التريند، بعد حديثه عن سر نجاحه المبكر، والدور الذي ساهم به والديه لمساندته.

وقال رمضان بعد حلوله ضيفًا في بودكاست «the w»:' أبويا وأمي ناس بسيطة جدًا، بس إدوني اللي أنا أتمنى أدي لأولادي ربعه، القناعة، الإحساس بالغير، أنا عمري ما طلبت من أبويا شيء مش في استطاعته يجيبه.'

‎-وأضاف :' اتعلمت منهم «ثقة في الله نجاح»، كنت لها ليه هيسيبوا كذا وياخدوني كانت تقول لي خليك واثق في ربنا، أنت معك أقوى واحد اللي خلق الدنيا وخلقك وبايده كل حاجة، فزرعوا جوايا الكلمة اللي بقت في لساني.

‎- وتابع :' لبست ملابس غريبة، وقت ما كنت بستهدف الجمهور الإفريقي، والاستايلست بتاعي من 2019 نيجيري، أنا كنت عايز البس زيهم، كنت عايز أشدهم ليا ومايحسوش بغربة، ليه معملتش دا وقت (ابن حلال) مثلا؟ كان معايا فلوس، أنا أعلى أجر من سنة 2016 في الدراما.'

‎- وواصل:' والله العظيم ولا عمري في حياتي فكرت في الفن لأنه هيجيب لي فلوس كتير، ماديًا أنا راضي ومبسوط بوضعي جدًا، كانت الضريبة اللي دفعتها إن مصر ما بتحبش دا، ودا الهزة اللي حصلت لي، أنا كنت بعمل دا عشان أوصل لباقي قارتي، وبس الجمهور المصري زعل.'

‎- الفلوس بتجيب سعادة أكتر بكتير، فكرة إن في حد ممكن تلحقه، ممكن المس نجوم السما وإن شخص في موقف صعب أنا اقدر الحقه واسنده.

‎-وعن عدم غنائه في الأفراح، أكمل:' مش غرور ولا تكبر، أنا مابغنيش في أفراح، لو هاخد مليار دولار ماغنيش في فرح، لأن أنا شركة كبيرة، هروح أتعزم واقعد في طاولة، ولو أغنيتي اشتغلت هقوم أرقص مع العريس والعروسة، وأنا تعاملت مع نفسي، كبراند، شركة كبيرة اسمها محمد رمضان.'

‎-واختتم حديثه:' ليا أخ في الرضاعة مسيحي واسمه رماني، وأنا 6 شهور أمي تعبت وكانت مامته يعني، فهو أخويا أخويا، لحد ثانوي بقول ده أخويا.'

اقرأ أيضًا :

محمد رمضان يثير الجدل بعد ظهوره الأخير بملهى ليلي في باريس