مصطفى كامل: شيرين تعبانة ومش عايزة تشوف حد.. فيديو

علق الفنان مصطفى كامل، نقيب الموسيقيين، على الجدل المثار بشأن تقصير النقابة في دعم الفنانة شيرين عبد الوهاب، وتدخل نقابة المهن التمثيلية لمساعدتها.

تصريحات مصطفى كامل حول حالة شيرين عبد الوهاب

وقال مصطفى كامل خلال لقائه في برنامج 'كشف حساب' مع الإعلامية إنجي هشام على قناة 'هي': 'ليس كل ما يعرف يقال، اللي الناس متعرفهوش إن دي حالة تخص شخص معين غير قابلة للتدخل غير من نفسه ومن أهليته، لما أكون غير قادر على علاجه بناشد الدولة، دي حالتها خاصة المفروض محتاجة دعم معنوي' .

وأضاف: 'تواصلت مع حد مقرب منها وجنبها في هذه الفترة، لما اتقال إنها تعبانة، قالت لي الحالة مش حلوة وتعبانة وبنعالجها، قالت نفسيتها مش تمام ومش هتقبل تشوف حد وادعيلها'.

وعلق مصطفى كامل على قضية تسريب هوية أحد المطربين من قبل النقابة، قائلاً: 'حاجات كتير بتتسرب من النقابة ومعلومات نكون عاملين اجتماع ونلاقي المعلومات اتسربت، الولد ده جالي وقعدت معاه وعرفني شخصيته وقولتله محدش هيعرف'.