أحمد زاهر وتامر حسني يطلبان الدعاء لشفاء أبنائهما

زاد الاردن الاخباري -

أعرب أحمد زاهر وتامر حسني عن أملهما في شفاء أبنائهما، داعين الجمهور إلى الدعاء لهما عقب تعرضهما لمشكلات صحية طارئة.

نشر الفنان أحمد زاهر عبر حسابه الشخصي على إنستجرام منشورًا دعا فيه الله تعالى بالشفاء لابن أخيه آدم، وابنه، وابنته ملك، معبّرًا عن ألمه وحرصه على سلامتهم، حيث قال: 'اللهم أنت الشافي المعافي... يا رب اشفِ آدم ابن أخي وابني، واشفِ بنتي ملك شفاءً لا يغادر سقماً عاجلاً وليس آجلاً، فهو عليك هين وعلينا عظيم... يا رب ما تشوفوا في أولادكم أي حاجة وحشة، ويشفي كل مرضانا يا رب، اللهم آمين، وشكرًا على محبتكم ودعمكم.'

في تدوينة عبر حسابه الرسمي على فيسبوك، كشف النجم تامر حسني عن خضوع ابنه آدم لعمليتين جراحيتين كبيرتين بشكل مفاجئ، إثر انفجار الزائدة الدودية، ووجّه رسالة شكر لجمهوره على الدعوات التي تلقاها، مبرزًا أهمية الانتباه لأي أعراض طبية وعدم الاستخفاف بها.

وأوضح تامر حسني: 'على تليفوني وتليفونات كل المحيطين بي، هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية، بس بقول لكم كده عشان تبقوا حريصين مع نفسكم أكتر ولولادكم.. مش كل سخونية تقولوا ده شوية برد وخلاص، لا روحوا اكشفوا كويس واعملوا سونار على البطن والزايدة مرة واثنين، عشان ساعات مش بيبان ولازم الدكتور يضغط بطريقة معيّنة، تقريبًا أقوى شوية عشان يعرف، لأني سمعت كتير اليومين دول إن الزايدة خادعة.'

تابع تامر: 'اطمنوا كذا مرة قبل لحظة انفجارها، عشان بجد المشاكل اللي بتحصل بعدها كبيرة ومحزنة أوي... وحبيبي آدم عمل عمليتين صعبتين أوي عليه، وبدعواتكم مستنيين النتايج تكون خير يا رب، ويعدي مرحلة الخطر.'

وأضاف تامر حسني: 'اشفِه وعافِيه يا رب، هو وكل ولادنا، بس هو راجل وهيتحمل، وإن شاء الله ربنا يكرمه ويعافيه ويحفظه هو وإخوته ويحفظ كل ولادكم يا رب. وأحب أقول تاني شكرًا من كل قلبي على دعواتكم.. أنا شايف قلب كل حد فيكم وهو بيدعي بصدق، متشكر أوي يا جماعة. شكرًا لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصيًا. أنا مش لاقي كلام أشكركم بيه، وأنا برضه بدعيلكم وأقول لكم مثلها وأضعاف أضعافها، وربنا يحفظكم ويحفظ أولادكم، قادر يا كريم.'