طريقة كيكة الشوكولاتة الهشة مع الصوص الاقتصادي

الوقائع الإخباري:قدم الشيف محمد جمال، عبر صفحته الرسمية على موقع التواصل الاجتماعى فيسبوك، طريقة عمل كيكة الشوكولاتة الهشة مع صوص الشوكولاتة الاقتصادي.

طريقة عمل كيكة الشوكولاتة الهشة مع صوص الشوكولاتة الاقتصادي ..

المكونات:

للكيكة:

2 كوب دقيق منخول

1 كوب سكر

¾ كوب زيت (أو ½ كوب زيت + ¼ كوب زبدة)

1 كوب لبن (دافئ)

½ كوب كاكاو خام

2 بيضة كبيرة

1 ملعقة صغيرة فانيليا

1 ملعقة كبيرة بيكنج بودر

رشة ملح

صوص الشوكولاتة:

½ كوب سكر بودرة

3 ملاعق كبيرة كاكاو خام

¼ كوب زيت

¼ كوب لبن دافئ الطريقة:

1. سخني الفرن على 180 درجة مئوية، وادهني صينية (مقاس 24 تقريبًا) بالزيت ورشة دقيق.

2. في بولة، اخفقي البيض + السكر + الفانيليا بالمضرب لحد ما الخليط يبقى فاتح وهش.

3. أضيفي الزيت (أو الزيت والزبدة) مع استمرار الخفق.

4. ضيفي اللبن الدافئ وقلّبي.

5. اخلطي الدقيق + الكاكاو + البيكنج بودر + رشة الملح مع بعض، وبالتدريج دخليهم على الخليط السائل مع التقليب بخفة.

6. صبي الخليط في الصينية ودخليها الفرن حوالي 35 دقيقة (اختبري بعود خشب). الصوص:

1. اخلطي السكر البودرة + الكاكاو.

2. أضيفي الزيت + اللبن الدافئ وقلّبي لحد ما يبقى قوامه ناعم.

3. بعد ما الكيكة تبرد، وزعي الصوص على الوش.