رثاء شيخ جليل

زاد الاردن الاخباري -

رثاء الشيخ عطوه البنيان ابوغنيم بقلم الكاتب الشاعر/ابراهيم البنيان ابوغنيم

يا عين جودي بغالي الدمع جودي

على أبو عادل غيب الموت شوفه

يا شيخ من بعدك حياتي ركودي

يا اللي كفوفك بالوفاء معروفه

كم منبر يبكي ويسأل وجودي

وين الخطيب اللي تعلا حروفه

مسجدك يشهد بالوفا للجهود

شيخ فقيد طيبنه فعوله

يشهد له المحراب بكل سجودي

يوم افتقد زوله وطاري وصوفه

يبكيه منبر عالي بالشهودي

يوم اعتلاه وكل حي يشوفه

يشهد له المرقاب في كل وجودي

واليوم عقب الصوت رحلت حروفه

مشوا ورى نعشه بدمع يزودي

والكل يشيله فوق عالي كتوفه

مشوا ورى نعشه بقلب ودودي

والكل يذكر طيب راعي وصوفه

لجلس عند قبرك بدمع يزودي

وأشكي لك هموم الوقت في ظروفه

خالي مكانك بالصفوف الركودي

والناس تدعي والمدامع شغوفه

المسجد أظلم عقب ذيك العهودي

يشكي فراق اللي حنونه اكفوفه

يا كم نهر بالحق أهل الصدودي

ويا كم مسح دمع العيون العطوفه

يا غيبته هدت حبايل سدودي

والقلب من فرقا الغوالي تعوفه

يا للي غديت اليوم تحت اللحودي

عليك عيني بالدموع مذروفه

يا طير بلغ لي سلامي وعهودي

لقبر غشى نوره عظيم وصوفه

عساه بروضات الجنان مخلودي

في جنة الفردوس يلقى قطوفه

سلام أزكى من غمام الرعودي

يغشى النبي طه شفيع الوجودي

أعداد ما هب الهواء في حموله

وعداد برق لاح ساطع زنوده

بقلم الكاتب الشاعر/ابراهيم البنيان ابوغنيم