إبراهيم حسن: إقالة التوأم قبل كأس العالم؟ «لا نقلق..جئنا بإرادة ربنا»

فتح إبراهيم حسن، مدير منتخب مصر، ملف تجديد تعاقده مع الفريق الوطني قبل أشهر قليلة من انتهاء عقده هو وشقيقه حسام مع الفراعنة، مؤكداً أن المسؤولين لم يتحدثوا معهما في هذا الشأن حتى الآن.

وقال إبراهيم حسن في تصريحات لقناة «العربية» عقب قرعة كأس العالم:' مفيش أي كلام عن التجديد قبل كأس أمم إفريقيا، نهاية تعاقدنا الرسمي بعد كأس العالم.'

وأضاف:' الموضوع ده بتاع المسؤولين، مش أنا اللي أقول اعملوا كذا، زي ما بيحصل مع الأجانب، في مدربين انتهت عقودهم واتعمل لهم عقود جديدة لمدة 4 سنين.'

وتابع:' أنا وحسام ما بنخافش، جايين نساعد ونشتغل بقلب، مش عايزينا موجودين؟ مش فارقة، بس فارقة طبعاً إني بشتغل علشان مصر… فارقة معايا بلدي.'

وأكمل:' أنا نجحت وقدمت حاجة بسيطة لمصر، وصلنا لنهائيات كأس الأمم الإفريقية بدون هزيمة، ووصلنا لنهائيات كأس العالم بدون هزيمة، ورغم الحاقدين اللي بيقللوا، ده إنجاز.'

وواصل:' لعبت كأس عالم أنا وحسام، ووصلنا كأس العالم كجهاز فني… إنجاز، الناس اللي قلبها مش صافي، إنما إحنا مش قلقانين، اللي جابنا إرادة ربنا، واللي كاتب لنا الخير ربنا، سواء هنكمل أو مش هنكمل، بس أتمنى نهدى بقى على النغمة دي.'

وتأتي تصريحات إبراهيم حسن على هامش قرعة كأس العالم 2026 التي تستضيفها الولايات المتحدة وكندا والمكسيك، والتي أوقعت مصر في المجموعة السابعة رفقة بلجيكا وإيران ونيوزيلندا.