آلاف الجنيهات للبسطاء .. مدفع رمضان يدخل الفرحة على المواطنين

قدم الفنان محمد رمضان ، حلقة اليوم من برنامج ' مدفع  رمضان ' المذاع على قناة “ دي إم سي ” .

وقال محمد رمضان :' حياتنا كلها فيها اسود وأبيض.. وإحنا قلنا رصيف القاهرة أبيض في أسود وأول شخص هنقابله عند الرصيف الأسود كسب معانا 100 ألف جنيه '.

واختار محمد رمضان ، عامل نظافة يقف على الرصيف الأسود وأعطاه 100 الف جنيه .

وقال محمد رمضان لعامل النظافة : أنت نمبر وان وقام محمد رمضان بغناء اغنية نمبر وان مع عامل النظافة في الشارع'.

ومنج محمد رمضان 50 ألف جنيه لطفل يعمل على عربية فول  يدعى يوسف.

وقال الطفل يوسف:'أنا شغال على عربية فول وبوصل الطلبات للمنازل وانا نفسي أبقى غني زيك يا محمد يا رمضان'.

وقال محمد رمضان :' انت كسبت معانا 50 ألف جنيه عشن أنت راجل وبتشتغل ومعتمد على نفسك بعد ربنا'.

وتابع محمد رمضان :' أنت هيتعملك مشروع حلو وتبقى أصغر رجل اعمال في مصر  وهيبقى اسمك الشهرة بتاعك يوسف ساويرس'.

وجابت سيارة الفرحة التابعة لمدفع رمضان محافظة أسوان  للتعرف على احلام المصريين هناك .

وقال محمد رمضان :' أسوان بلد الكينج محمد منير وإحنا شوفنا أحلام المصريين هناك وهنختار حلمين وحلم هيتحقق في حلقة اليوم وحلم هيتأجل لاخر رمضان وممكن يكسب مليون جنيه '.

وحقق محمد رمضان أمنية مواطن يدعى العارف بالله أحمد ،  وقال رمضان :' الحاج طلب طلب زيارة بيت الله الحرام وإحنا هنحققلك الامنية دي  ومتنساش تدعيلنا  امام الكعبة '.

منح الفنان محمد رمضان، خلال حلقة اليوم من برنامج 'مدفع رمضان'، المذاع عبر قناة 'دى إم سى'، جائزة لرقم هاتف عشوائي.

واتصل محمد رمضان، على الهواء بصاحب رقم الهاتف كي يبلغه بفوزه في برنامج ' مدفع رمضان .

وقالت ليلي صاحبة رقم الهاتف لمحمد رمضان :' هل الموضوع ده حقيقي ؟'،ورد عليها رمضان قائلا:' مبروك معانا إنتي كسبتي 200 ألف جنيه '.

يواصل الفنان محمد رمضان تقديم برنامجه 'مدفع رمضان'، الذي يُعرض على قناة DMC، مؤكدًا أن هدفه الأساسي هو تحقيق أحلام الجمهور، سواء من خلال الجوائز المالية أو المفاجآت المختلفة.

وقال رمضان: 'اللي محققش حلمه بنحققهوله بفلوس أو بحاجات تانية'.

أكد رمضان أن برنامج 'مدفع رمضان' تم صناعته بمحبة كبيرة للشعب المصري، مشيرًا إلى أنه قال للشركة المتحدة للخدمات الإعلامية عند توقيع العقد: 'أنا جاهز أروح كل شبر في مصر علشان نفرح الناس'.