رسالة نارية من سيد عبد الحفيظ بعد أزمة قرارات التظلمات

وجه سيد عبدالحفيظ، مدير الكرة السابق بالنادي الأهلي، رسالة نارية، بعد الهجوم ضد القلعة الحمراء، في أعقاب قرار لجنة التظلمات الأخير.

وأيدت لجنة التظلمات في بيان الأخير، قرار رابطة الأندية، بعدم خصم 3 نقاط إضافية بنهاية الموسم من الأهلي، والاكتفاء بخصم 3 نقاط باعتباره منهزمًا إثر الانسحاب من مباراة القمة.

وقال سيد عبدالحفيظ في تصريحات عبر برنامج “اللعيب”: “بمنتهى الهدوء ناس كتير بتتكلم لكن الموضوع باين جدًا، المشكلة في اللي كتب وصاغ ومضى مش اللي طالب بتنفيذ الطلب اللي هو الأهلي”.

وأضاف: “أنا مستغرب إن الناس بتلوم الأهلي اللي هو بيطالب بتنفيذ اللائحة أصلًا بناء على اللائحة، قرار الأمس قرار صح. أنت بتعاقبني إن أنا بطالب باللائحة”.

وتابع: “الأهلي طالب بتنفيذ بند، أنت لو عايز تنتقد انتقد الرابطة، الاتحاد، انتقد نفسك إنك وافقت، أنا مش بتكلم على الزمالك بتكلم على كله، المتضرر يتكلم، لكن ميجبش سيرة الأهلي لأنه طالب بتنفيذ اللائحة”.