بعد ضبط كميات من مخدر GHP.. تامر أمين يوجه نصيحة للسيدات

أكد الإعلامي تامر أمين أن السيدة التي تم ضبطها بكميات من مخدر GHP الشهير بمخدر الاغتصاب ليس لها علاقة بالإعلام، مشيرا إلى أن وصفها بالإعلامية يعد إهانة للإعلاميين.

وقال أمين خلال برنامج 'النهار' المذاع على قناة 'النهار': 'ما اشتهر وما انتشر في الأيام الأخيرة عن قصة مخدر الاغتصاب؟ ايه مخدر الاغتصاب دا؟ دا مخدر انتشر بعد الواقعة اللي اتقال عنها المذيعة الفلانية أو الإعلامية الفلانية يا جماعة انتوا بتهينونا والله انتوا جبتوا منين أنها مذيعة أو إعلامية؟'.

وأضاف: 'هي واحدة عشان بتطلع تعمل فيديوهات على التيك توك بقت خلال إعلامية وامبارح قالك الإعلامية عملت كذا ولا عمرها شافت شاشة ولكن عشان هي من غير شغله فنلزق لها كلمة الإعلامية'.

وتابع: 'غاز الاغتصاب دا سائل ملوش لا لون ولا طعم ولا ريحة بيعملوا بيه نوع من أنواع الإرخاء يعني لما تحب اللي قدامك يسترخي ويفقد قواه كده مش ينام فيقوموا حاطين البتاع ده في أي مشروب من اللي بيشربه البني أدم اللي قدامه فتخور قواه'.

وواصل: 'هنستفيد حاجة واحدة بس من الموضوع ده أنه أرجوكم لا تشربوا شيئا إلا حاجتين يا إما حاجة مقفولة وانتوا اللي فاتحينها بأيديكم وكلامي خصوصا للسيدات والإنسان والبنات لا تشربوا شيئا مقفولة سواء كانز أو كرتون أو من مكان أنتم تثقون فيه لكن أي حاجة مش واثق فيها أو مشفتيهاش وهي بتتعمل حدا الله عشان العاقبة متبقاش وخيمة'.

واختتم: 'مهما كنت لماح وذكي السائل ده وهو بيتحط في المشروب مش هتحس أنك بتاخد حاجة غريبة شفطة في التانية هتلاقي نفسك دروخت'.