بالفيديو| المعلق أحمد الطيب: الفرق بين الخطيب وشيكابالا هو "السن ولون البشرة"

أكد المعلق الرياضي أحمد الطيب، أن محمود عبد الرازق شيكابالا لاعب الزمالك يعد أسطورة، مشيرًا إلى أنه يمتلك قدرات غير موجودة لدى الآخرين.

الفرق بين الخطيب وشيكابالا

وقال الطيب، خلال استضافته برنامج 'العرافة' المذاع على قناة 'النهار': 'أنا بحب كهربا على المستوى الشخصي كلاعب، ولكنه مر بمراحل تخرّجه بره تركيز أنه يكون حاجة زي كده في زمن قليل، إحنا بنقول الخطيب أسطورة يبقى الشناوي وعلي معلول أسطورة؟ هي اتساوت الرؤوس؟'.

وأضاف: 'الخطيب سنه كبير عن شيكابالا، وفي فرق اللون وفرق الرجل، دا بيلعب بشماله وده بيمينه، العصافير على الشجر بتقول شيكابالا أسطورة، والسمك جوه الماية بتقول إن شيكابالا أسطورة، حد ربنا أنعم عليه بموهبة بشكل مختلف، وقبول ورضا حصل لناس قليلين أوي'.

وتابع المعلق الرياضي: 'الشناوي حارس مرمى الأهلي حارس كويس، وشيكابالا أخد اتنين دوري في آخر تلات سنين، الأهلي هو الأكبر في مصر عشان هو النادي اللي واخد بطولات أكبر، واللي بياخد بطولات أكتر بيبقي أسطورة، طيب بطولة إفريقيا كان الزمالك أخدها أكتر لحد سنة 2000'.

وواصل: 'الأهلي الأكثر حصدًا للبطولات كأرقام، وطالما قررت تقيمها كده حتى سنة 2000 كان الزمالك الأكثر حصدًا للبطولة اللي بيقيم من خلالها الأفضل، الموضوع ده قتل بحثًا، ولكن المشكلة إننا بنتوه أولادنا الصغيرين، وبنعلمهم إن الشمال يبقى يمين واليمين يبقى شمال'.

لا أسطورة في الأهلي

واستكمل الطيب: 'مش منطقي بالمرة ولا صادق ولا واضح لأن لاعبي الزمالك تغزلنا فيهم زي ما تعزلنا في لاعيبة الأهلي، والإسماعيلي والمحلة والاتحاد والمصري، أي حد يجيد ويجتهد بياخد اللي يستحقه'.

وأوضح: 'ليه بيقولوا شيكابالا الأسطورة؟ لأن عنده حاجات مش موجودة عن غيره، دلوقتي في الأهلي مفيش أسطورة وآخر اسطورة كانت موجودة كان عبد الله السعيد ومشي، محمد أبو تريكة أسطورة ستبقى عظيمة لسنوات وسنوات'.

وأكمل المعلق الرياضي: 'الأهلي مرحلة الخطيب هو الرمز في النادي الأهلي، وكان بعد كده حسام حسن، وبعد كده خالد بيبو لفترة قصيرة، وبعد كده محمد أبو تريكة سكن القلوب، لاعيبة الأهلي دلوقتي بيبنوا بنى يخليهم أساطير، ولكن مفيش ملامح حاليًا وعشان كده الأهلي بيدور على حد يكون الأسطورة بتاعته، رمضان صبحي أتكون عشان يكون كده وهرب'.