عمرو أديب يرد على شائعة تقاضي مصر أموالا مقابل دخول المساعدات لغزة

علق الإعلامي عمرو أديب على الشائعات التي أشارت إلى تقاضي مصر 20 ألف دولار مقابل إدخال كل شاحنة مساعدات إلى قطاع غزة.

وقال أديب خلال برنامج 'الحكاية' المذاع على قناة 'إم بي سي مصر': 'الدولة اللي رفضت 20 مليار مقابل التهجير، هتبص لـ 20 ألف دولار؟ العالم العربي كله عارف مين بيمول الميديل إيست آي أنا بقول للناس دي عيب الحاجات بتاعة زمان دي مينفعش تتكرر تاني مترميش كده خبر وتقول بياخدوا 20 ألف دولار'.

وأضاف: 'النهاردة شعب الغربية ومحافظة الغربية ممولين عربيات بخمسة مليون جنيه، الناس بتطلع اللقمة من بوقها عشان تبعتها لشعب غزة'.

وتابع: 'مصر اليوم أثبتت أنها جديرة بالمسؤولية وقالت دا موقفي وأنا ضد التهجير، وعايز أبعت رسالة للإدارة الأمريكية وعارف أنها هتوصل، سؤال هو إيه موقف المواطن المصري من أمريكا من شهر أمريكا وبتساعد إسرائيل وبتاع وإيه موقف المواطن المصري دلوقت من أمريكا؟ زفت'.

وتابع: 'أنتوا عايزين المواطن المصري يفكر زي الدولة اللي ضد أمريكا أنت عايز مصر تبقى دولة مارقة تشتغلك في الأزرق؟ إحنا أصدقاء وحلفاء وهذه ليست معاملة الأصدقاء والحلفاء أنت بتضحي بعلاقة عمرها عشرات السنين'.

وواصل: 'الموقف من إسرائيل خلاص أسود ولكن لم يكن بهذا السواد اللي عمله ترامب أنا بقول للإدارة الأمريكية ووزير الخارجية الأمريكي أنت الآن تدفع مصر دفعا أن تكون ضد الأمريكيين 100% أنت بترجعنا لعهد عبد الناصر وعهد الإمبريالية وأنت بترجعنا لعهود كنا تجاوزناها'.