أحمد موسى يعلق على تصريحات ترامب عن قناة السويس: "دي مش تذكرة قطار"

علق الإعلامي أحمد موسى على تصريحات الرئيس الأمريكي دونالد ترامب والتي أشار فيها إلى أن السفن الأمريكية يجب أن تمر من قناة بنما وقناة السويس بدون دفع أي رسوم.

وقال موسى خلال برنامج 'على مسؤوليتي' المذاع على قناة 'صدى البلد': 'مين اللي عمل هذه القناة ومين اللي دافع عن هذه القناة ومين اللي أمم هذه القناة ومين اللي رجع القناة لسيادة مصر وهتفضل طول التاريخ تحت سيادتنا ولا أحد يسمح له في أي وقت من أي مكان أن ينازع مصر هذه السيادة تحت أي ظرف'.

وأضاف: 'معنا كل الحقوق وكل الأمور تعطينا الحق الكامل، احنا بنقدم خدمات للعالم واللي احنا بنعمله النهاردة بنقدم خدمات وبيتعمل مشروعات هائلة في قناة السويس والحالة اللي موجودين عليها وما يجري في قناة السويس'.

وتابع: 'احنا عملنا مش لسة هنعمل ولسه بنكمل مشروعات هائلة في قناة السويس، القناة والعبور في القناة اتفاقيات محددة الكلام ده، اتفاقية القسطنينية بتحدد كيفية العبور ووقت السلم ووقت الحرب وكله بيعدي ألا لو دولة أنت في حالة حرب معاها'.

وواصل: 'في سلام كله يعني يدفع الرسوم والرسوم بتحددها هيئة قناة السويس بموجب اتفاقيات وأي حد بيعدي من القناة لازم يدفع الرسوم محدش يقولك أعدي من القناة ومدفعش القناة مش تذكرة عربية أو تذكرة قطر دي رسوم لأن في عمليات بتتم ونفقات'.

وأكمل: 'احنا بنسهل حركة التجارة العالمية والعالم كله حريص على حركة التجارة العالمية وعايز يبقى موجود ويمر في قناة السويس وكل العالم ينتظر العودة مرة أخرى وعودة حركة التجارة في القناة'.

واختتم: 'النهاردة في مليون دولار زيادة على كل سفينة بتعدي من رأس الرجاء الصالح والمستهلك اللي هيتحمل ده'.