محمد عطية: لو كنت امرأة محبش أكون لا هيفاء وهبي ولا روبي ... وعمرو دياب ماينفعش يتحط اسمه جنب تامر حسني أو أي حد

رد الفنان محمد عطية على سؤال افتراضي إن كان امرأة من سيختار أن يكون بين النجمتين هيفاء وهبي وروبي.

قال محمد عطية: 'لو كنت امرأة بشخصية محمد عطية صعب أوي أطلع على المسرح وابوس راغب علامة، ممكن اصرخ اقول له بحبك، تخيلي اشوف جينفر أنستون في مسرحية وطلعت بوستها من بقها، صعب اوي بالنسبة لي، وراغب علامة كل البنات بتحبه، هيعمل ايه؟ والغلط مش عنده، واحدة جت رمت نفسها باسته هيعمل ايه؟'، حسب تصريحاته لبرنامج 'كيد النسا'.

وتابع محمد عطية: لو كنت مكانه مش همنعها، حد يجيله بوسة من واحدة حلوة ويقول لا؟ احنا مجانين، ولو كنت في علاقة، أنا فنان معرض لدا، وساعتها الواحد مابيبقاش عارف يتصرف إزاي.

وأكد محمد عطية أنه لو كان امرأه كان هينشر صوره بثياب البحر، قائلا: 'هو حد ليه حاجة عندي'، وعند الاختيار بين أيهما يفضل أن يكون هيفاء وهبي أو روبي، أجاب قائلا: 'ولا دي ولا دي، سؤال غريب بس أحب أكون فيروز مثلا، لأني عرفت لبنان وأنا صغير منها، فحلو أوي توصلي أن بلد كاملة تتعرف من أغانيكي اللي بتوصل بلاد تانية، ومكانش في سوشيال ميديا، مكناش نقدر نكتب لبنان فنشوفها، احنا شوفنا لبنان بصوت فيروز'.

وأجاب محمد عطية على سؤال لو كان امرأة سيعلق في غرفته صورة لمشهور من هو، ليجيب: 'زياد الرحباني، انا معجب به لو أنا أرنب'، وعند تخييره بين عمرو دياب وتامر حسني، قال: 'أنا بحب الاتنين بس عمرو دياب بالنسبة لي حاجة تانية خالص ماينفعش يتحط اسمه جنب تامر ولا جنب أي حد تاني'.