تفاصيل وفاة الفنان بهاء الخطيب ... توفي أثناء لعب كرة القدم

كشف الفنان حسام داغر تفاصيل وفاة الفنان بهاء الخطيب.

ونعى حسام داغر بهاء الخطيب ونشر صورته معه وكشف أنه توفي أثناء لعبه كرة القدم.

وكتب حسام داغر عبر حسابه على Facebook: 'ده لسه متكلمين إنك تيجي تقعد معايا في إسكندرية وقلتلك هتحب قعدة بلكونتي على البحر علطول ورجعت أقولك خلينا في الشتا هيبقى أحلى الجو دلوقتي صيف وحر … خلاص لا بق في شتا ولا صيف ولا حاجة الناس بتمشي فجأة إزاي كده لا حول ولا قوة الا بالله دموعي منشفتش من يوم تيمور وقلبي لسه موجوع تقوم تمشي فجأة أنت'.

وتابع حسام داغر: 'يعني إيه وقع وهو بيلعب كورة مات أنا عقلي هيجراله حاجة الثبات والعقل والصبر من عندك يا رب … بهاء الجميل المحترم الطيب أعرفه من وهو في مسرح الجامعة وقبل المعهد وبرضه كبر قدامي وكان ناجح في كل حاجة حتى مجاله وشغله الأساسي جمب التمثيل لو اعرف أنك هتمشي فجأة كنت قابلتك ومفضلناش ناجلها ليه يا ربي الطيبين المحترمين بيمشوا فجاة لا حول ولا قوة إلا بالله الصبر من عندك يا رب'.

ورحل بهاء الخطيب عن عمر ناهز 41 عاما، هو من مواليد 1984، درس في كلية الحقوق بجامعة القاهرة وتخرج عام 2006، والتحق بعدها بالمعهد العالى للفنون المسرحية قسم التمثيل والاخراج، وعمل في مجالات تصميم المؤثرات البصرية والموارد البشرية، ثم اتجه للتمثيل وحصل على عدد من الورش الفنية وشارك في عدد من الأعمال منها 'المشوار' مع محمد رمضان، و'فاتن أمل حربي' و'صاحب المقام' وغيرها من الأعمال.