قبل منى فاروق.. نجوم أصيبوا بشلل فى المعدة نتيجة حقن التخسيس

تعرض فى الفترة الأخيرة عدد من النجوم الى الإصابة بشلل فى المعدة نتيجة حقن التخسيس ولعل أخرهم منى فاروق وهو الأمر الذى أثار حالة من الجدل الواسع وأعاد للأذهان عدد من النجوم الذين أعلنوا إصابتهم بشلل فى المعدة وهو ما نرصده فى التقرير التالى. 

كشفت الفنانة منى فاروق تفاصيل إصابتها بوعكة صحية شديدة أدت إلى دخولها المستشفى بسبب حقن التخسيس.

وكتبت منى فاروق، عبر خاصية «الاستوري» بحسابها على موقع «إنستجرام»: «الحمدلله على كل حال، توقف مؤقت في الجهاز الهضمي، عندي تهيج قولون مع إمساك وجرثومة معدة ونزيف بسبب شرخ، محتاجة منظار قولون ومنظار معدة يارب تعدي على خي ،خدوا بالكم من صحتكم، أرجوكم وقفوها، وادعوا لي بالشفاء العاجل'. 

بينما اتهمت الفنانة هند عبد الحليم حقن التخسيس بتدهور حالتها الصحية، قائلة: “عايزة أطمن كل اللي سألوا عليا واللي هقوله دلوقتي يمكن أفيد حد تاني اللي حصلي ده من حقن التخسيس”.

وتابعت:'مطولتش فيها كتير أخدتها لمدة شهر و أسبوع وبعدها تعبت جدًا وحصلي شلل مؤقت في المعدة ومكنتش عارفة أكل ولا أشرب وفي ألم رهيب وكنت قاعدة على المحاليل.. ونصيحتي لأي حد بيفكر ياخد الخطوة دي لازم تتابعوا مع دكاترة وتعملوا التحاليل اللازمة عشان تشوفوا جسمكم هيتقبل ولا لاء'.

كشف الفنان خالد الصاوي، عن رأيه في أفضل نظام غذائي لإنقاص الوزن، مشيرا إلى أن العمليات الجراحية أمر غير محبب بالنسبة له بالمرة، محذرا من الحقن التي تساعد على التخسيس.

وقال الصاوي خلال لقائه في برنامج 'كلام الناس' مع الإعلامية ياسمين عز: أنا خسيت 20 كيلو وناقص 20 كمان، وعايز أحذر الناس أنا أخدت الحقن حصلي كارثة بعد 3 أو 4 شهور حقنة منهم أدت إلى توقف الجهاز الهضمي وروحنا المستشفى وقعدت يومين».

وكشفت إلهام شاهين هن تلقيها حقن للتخسيس للإنقاص الوزن بسرعة لكنها أثرت على حياتها الصحية بالسلب قائلة ' أنا خدت حقن بس مبنصحش حد ياخدها، بتجيب نتيجة قوية جدًا لكن بتتعب صحيًا، أنا ضعفت صحيًا مش بس ضعفت حجمًا، بتتاخد لفترة صغيرة لكن أنا بقالي كتير باخدها فعلشان كده ضعفت'.

واستكملت: 'لازم تتاخد مع دكتور مش حد ياخدها من دماغه، لأن فيه ناس بتسمع مننا حقن تروح تشتريها وتاخدها وده مؤذي، فعايزة أنصح إن لازم تتابعوا مع دكاترة'.