لايف ستايل
موقع كل يوم -في فن
نشر بتاريخ: ١٩ أذار ٢٠٢٦
من ضمن المسلسلات التي لاقت نجاحا كبيرا في رمضان 2026 كان مسلسل 'وننسى اللي كان' الذي قدمته النجمة ياسمين عبد العزيز ولفتت الأنظار بأزيائها الأنيقة التي كانت حديث رواد مواقع التواصل الاجتماعي.
وتواصل موقع FilFan.com مع سعيد رمزي منسق أزياء المسلسل الذي كشف الكثبر من الكواليس حول اختياره لأزياء شخصية 'جليلة رسلان'، وقال: 'السنة دي لما جينا اشتغلنا كان عندنا تحدي وصعب ومستحيل لأني بعمل شخصية نجمة لنجمة أصلا، وكان صعب وقعدنا فترة نقرر هل نلبس ياسمين شخصيتها الحقيقية ولا نعمل شخصية موازية؟ وقعدنا ندور في النجوم اللي حوالينا وقبل ما نشتري شوفت البيت، ومن ضمن سياق المسلسل إن صديقتها المقربة ستايلست، ودا خلاني ابعد عن اختيار الملابس اللي البراندات فيها واضحة ونختار اكسسورارات وشنط غالية من علامات تجارية ودور أزياء كبيرة'.
وأضاف سعيد رمزي: بالفعل استغلينا حقائب ياسمين عبد العزيز الحقيقية، واشترينا عليهم شنطتين زيادة وكانت متحمسة للدور، لما جينا نشتغل على علامات ودور الأزياء 'البراندات'، اخترنا براندات بطريقة صامتة، بمعنى أنها مش مشهورة لكن براندات غالية زي البنطلون الباجي البيج اللي لبسته في مشهد الاعتراف بالحب، كان من براند إيطالي محلي، وغالي بس مش مشهور في العالم، واللبس دا جيه بعد تغيير في السيناري، كان من المفترض أن بدل رحلة الفيوم كنا هنصور في التلج في بيروت، ومخضرين أزياء رائعة، لكن للأحوال السياسية المفاجئة لغينا بيروت وعملنا الفيوم.
وأضاف سعيد رمزي: مش لازم كل اللبس نجيبه من دور أزياء مشهورة عالميا، ولازم نشجع ان في براندات محلية في كل العالم بتبقى معروفة وغالية في بلدها، بس مش لازم يكون فيها شعارات كبيرة وواضحة ولا متجارها في كل العالم، في لبس كتير في البيت والتاييور والجاكيت الأبيض في افتتاح الفيلم والفستان الأسود المخملي اللي فيه ذهبي من الجنب من عند مصمم تركي، وكانوا غاليين، فمش شرط البس مركات معروفة احنا لعبناها بطريقة صامتة Silent، أزياء غالية دون بهرجة مع مصممين عالميين جدد، كان في جمبسوت أزرق وكان عليه شال كبير على الصدر دي من مصمم إيطالي وسافرت اسطنبول وبعتنا جبنا حاجات من ايطاليا، البيجامات كلها من اسطنبول، ما عدا واحدة من جوتشي Gucci كانت عاجبة ياسمين، وتفاصيل الشخصية تسمح لها تلبسها.
أما عن المجوهرات، قال سعيد رمزي: 'لبسنا مجوهرات من محلات كتير جدا من لويس وجلامور، وكان في فستان أحمر من تصميم أيمن لحموني، وفي سيارة ملابس لياسمين عبد العزيز ملبسناش ربعها.
ويجمع مسلسل 'وننسى اللي كان' في بطولته إلى جانب ياسمين عبد العزيز كوكبة نجوم، أبرزهم كريم فهمي، شيرين رضا، إنجي كيوان، خالد سرحان، محمد لطفي، إدوارد، ومنة فضالي، والعمل من تأليف عمرو محمود ياسين وإخراج محمد حمدي الخبيري.
بيتر ميمي يرد على كابتن إيلا بعد تعليقها على مسلسل 'صحاب الأرض'
