"بيخططوا للفوضى".. أحمد موسى يعرض تسجيل مسرب بين محمود وهبة وعمرو واكد (فيديو)

عرض الإعلامي أحمد موسى؛ تسجيل صوتي مسرب تضمن محادثة بين الهارب محمود وهبة والفنان الهارب عمرو واكد تضمن مناقشات من أجل وضع خطط لضرب الاستقرار في مصر.

وقال وهبة في بداية التسجيل الصوتي: 'أنا مش عايز أتعدى على مهمة الفنان عمرو واكد وإنما لو سمحلي إني أتكلم شوية عن حاجة جديدة بنعملها دلوقتي؛ وهي المجلس الاستشاري للتغيير؛ الفنان عمرو واكد هو المتحدث الرسمي عنه أنا شايف أن في مجموعة قوية جدا'.

وتابع: 'اتفقنا مع المجموعة أعضاء المجلس الاستشاري على أساس يعملوا تغيير وبعدين مرحلة انتقالية تطلب تعاون الجميع؛ محدش مستقصى؛ المجموعة دي هتقدم استشارات لكيفية اسقاط النظام ولأن من غير هذا مش هتقدر تعمل أي حاجة'.

فيما قال عمرو واكد: 'احنا حاليا زي ما الدكتور وهبة شرح عندنا 3 مراحل الأولى ما قبل التغيير والتانية أثناء التغيير والتالتة ما بعد التغيير ولازم نبقي متفقين على القواعد الأساسية كلها؛ ودا هياخد شوية وقت يعني الحقيقة؛ احنا معندناش عصا سحرية نضربها ونخلي الناس تتواقف ولكن الحمد لله الخطة موجودة يعني'.

ليرد وهبة: 'لازم أطر ثورية مقاومة وأدوات في أيدينا ونوجد أدوات جديدة لا يمكن أبدا يبقي في حل عن طريق أي وسيلة سياسية في مصر النهاردة'.

ليرد واكد: 'أنا معنديش حتة أن لازم اطلع الإخوان شكلهم وحش بالعكس أنا شايف إنهم دفعوا تمن غلطتهم وضد كل اللي بيحصل فيهم دلوقت وأنا لو في أيديا السلطة أخرجهم كلهم بصراحة أنا بتكلم كده ومش فارقة معايا'.